چین کا ایک اور بڑا کارنامہ، جانیئے اہم خبر

چین(نیٹ نیوز/میڈیا92نیوز) چین نے خلائی تاریخ میں ایک نیا باب رقم کردیا، جس کا روبوٹک خلائی جہاز ‘چینگ فور’ چاند کے ‘تاریک حصے’ میں کامیابی سے اترنے والا پہلا جہاز بن گیا ہے۔چینی حکام کی جانب سے روبوٹک طیارے سے بھیجی جانے والی چاند کی تصویر بھی جاری کردی گئی۔

ماضی میں چاند پر بھیجے جانے والے مشنز چاند کے اُس حصے میں بھیجے گئے تھے جو زمین کے رخ پر ہے تاہم چین نےامریکی اور روسی خلائی مشنز کے نقش قدم پر چلتے ہوئے اپنی صلاحیتوں میں اضافہ کیا اور چینگ فور خلائی جہاز کو چاند کے تاریکی حصے پر کامیابی سے اتارا۔چینی میڈیا کے مطابق خلائی جہاز چینگ فور نے مقامی وقت کے مطابق صبح 10 بجکر 26 منٹ پر چاند پر لینڈنگ کی تھی۔جبکہ عالمی معیاری وقت کے مطابق رات ڈھائی بجے کے قریب چین کا چینگ فور طیارہ چاند کے قطب جنوبی۔ائیٹکن بیسن پر اترنے میں کامیاب ہوا۔مختلف قسم کے آلات سے لیس روبوٹوک جہاز ‘چینگ فور’ علاقے کی ارضیاتی خصوصیات جانچنے کے علاوہ حیاتیاتی تجربات بھی کرے گا۔واضح رہے کہ یہ مشن کسی بھی خلائی ادارے کی جانب سے پہلا قدم ہے۔