پاکستان بمقابلہ آسٹریلیا، شنیرا کس ٹیم کی حمایت کرینگی؟

کراچی (میڈیا92نیوز آن لائن)

پاکستان بمقابلہ آسٹریلیا، شنیرا کس ٹیم کی حمایت کرینگی؟
سوئنگ کے سلطان وسیم اکرم کا کہنا ہے کہ آج ہونے والے پاکستان اور آسٹریلیا کے میچ میں ان کی اہلیہ شنیرا اکرم 60 فیصد پاکستان اور 40 فیصد آسٹریلیا کی ٹیم کے ساتھ ہونگی۔

قومی ٹیم کے سابق کپتان اور فاسٹ باؤلروسیم اکرم کا کہنا ہے کہ شنیرا چاہتی ہیں کہ آج کا میچ بارش کی نذر ہوجائے ۔

ورلڈکپ 2019 میں پاکستان کرکٹ ٹیم اپنے چوتھے میچ میں آسٹریلیا کے خلاف مقابلے کے لئے آج میدان میں اترے گی۔ میچ ٹاؤنٹن میں کھیلا جائے گا جو پاکستانی وقت کے مطابق دوپہر ڈھائی بجے شروع ہوگا۔

پاکستان، آسٹریلیا میچ کے امکانات روشن

ٹاؤنٹن میں پاکستان بمقابلہ آسٹریلیا میچ میں بارش کے خدشات ٹل گئے اور مکمل میچ ہونے کے امکانات روشن ہوگئے۔

وسیم اکرم کا اس اہم میچ کے بارے میں کہنا تھا کہ پاکستان اور آسٹریلیا کا میچ ہونا دونوں ٹیموں کیلئے اہم ہے، دونوں ٹیمیں اس میچ میں دو پوائنٹ حاصل کرنا چاہتی ہیں۔

پاک، آسٹریلیا میچ ہونا دونوں ٹیموں کیلئے اہم ہے، وسیم اکرم

واضح رہےورلڈ کپ میں پاکستان اور آسٹریلیا کی ٹیمیں 10 ویں مرتبہ مدمقابل ہوں گی ، اب تک 9میچوں میں آسٹریلیا نے پانچ اور پاکستان نے چار میچز جیتے ۔