اسلام آباد (میڈیا92نیوزآن لائن) جعلی اکاؤنٹس اور منی لانڈرنگ کیس میں جے آئی ٹی نے آصف علی زرداری اور فریال تالپور کے 75 جائیدادوں سے متعلق مائیکرو فلمنگ ریکارڈ طلب کر لیا ہے جبکہ نیب نے سیکرٹری لینڈ یوٹیلائزیشن آفتاب میمن کو گرفتار کر لیا ہے۔ جے آئی ٹی نے آصف زرداری اور فریال تالپور کی جائیدادوں کا سکیننگ ریکارڈ انسپکٹر جنرل مائیکرو فلمنگ بورڈ آف ریونیو سندھ سے طلب کرتے ہوئے انہیں ریکارڈ سمیت پیش ہونے کی ہدایت کی ہے۔ خط میں انسپکٹر جنرل مائیکرو فلمنگ بورڈ آف ریونیو کو 75 کھاتوں کے سکیننگ ریکارڈ سمیت پیش ہونے کی ہدایت کی ہے۔ دستاویزات کے مطابق تمام کھاتے آصف علی زرداری اور فریال تالپور کے نام پر ہیں۔ زمینوں اور جائیداد کے سکیننگ ریکارڈ انٹری کا تعلق ٹنڈو الہ یار‘ بدین‘ حیدر آباد‘ لاڑکانہ‘ بے نظیر آباد اور کراچی جنوبی سے ہے۔ یاد رہے کہ منی لانڈرنگ کیس 2015ء میں پہلی دفعہ سٹیٹ بینک کی جانب سے اس وقت اٹھایا گیا جب مرکزی بینک کی جانب سے ایف آئی اے کو مشکوک ترسیلات کی رپورٹ یعنی ایس ٹی آرز بھیجی گئیں۔ ایف آئی اے حکام کے دعوے کے مطابق بینک مینجرز نے انتظامیہ اور انتظامیہ نے اومنی گروپ کے کہنے پر جعلی اکاؤنٹس کھولے۔ یہ تمام اکاؤنٹس 2013ء سے 2015ء کے دوران 6 سے 10 مہینوں کے لئے کھولے گئے جن کے ذریعے منی لانڈرنگ کی گئی۔ دستیاب دستاویزات کے مطابق منی لانڈرنگ کی رقم 35 ارب روپے ہے۔ نیب راولپنڈی کے مطابق آفتاب میمن کو جعلی بینک اکاؤنٹس کیس میں اختیارات کے ناجائز استعمال پر گرفتار کیا گیا ہے۔ آفتاب میمن نے سرکاری پلاٹ غیرقانونی طور پر الاٹ کرنے میں کردار ادا کیا۔ دوسری جانب نیب ذرائع کا کہنا ہے کہ آفتاب میمن پر سیاسی شخصیت کے فرنٹ مین کو غیرقانونی طور پر زمین الاٹ کرنے کا الزام ہے جس سے قومی خزانے کو کروڑوں روپے کا نقصان پہنچا۔ آفتاب میمن اہم سیاسی شخصیت اور ایک سیاسی جماعت کے قریب سمجھے جاتے ہیں۔ نیب راولپنڈی نے کہا ملزم نے خزانے کو 80 کروڑ روپے کا نقصان پہنچایا۔ ملزم نے 700 ایکڑ زمین غیرقانونی الاٹ کی تھی۔ آفتاب میمن سابق صدر آصف زرداری اور پیپلز پارٹی کے قریب سمجھے جاتے ہیں۔ احتساب عدالت نے آفتاب میمن کو 13 روزہ ریمانڈ پر نیب کے حوالے کر دیا۔
ٹیگزAbbotabad AbbTak ACER afghanistan america Apple April Arfakareem ARY AryNews August Australia Autumn BadshahiMasjid balakot Balochistan Bangladesh BBC bol BOLNews Brazil Canada channel24 Channel5 china City42 CM CNN DAWLANCE DawnNews December DELL Denmark dubai duniya eid Ericsson ExpressNews Fashion FAST FC Feb Fortress France Gawadar GC Generation GeoNews Germany GIKI GREE Gujranwala Gulberg Haeir HAJ HARDEES HP Huwaie Hyderabad IndiaNews Indonesia islamabad italy JAAG JAAGNEWS JahangirTomb Jamatulawal Jamatusani Jan jatiumra Jeans July June kaghan karachi Kashmir kasur KFC kpk kuwait lahore lahorenews larkana LG Liberty london LUMS MACbook Macdonalds Madina Makeups Makkah malaysia mansehra March May media92news media92tv MinarePakistan MITSHUBISHI MizareQuaid Muharram Multan Muzaffarabad naran NATIONAL NDTV neelumvaleey NEO News Newzealand Nigeria northkorea November pakistan tv zardari انڈیا
یہ بھی پڑھیں
جینیات سے وابستہ تناؤ ہارٹ اٹیک کا خطرہ زیادہ بڑھا دیتا ہے
بوسٹن: حال ہی میں ہونے والے ایک مطالعے سے پتہ چلا ہے کہ جینیاتی طور پر …