حکومت نے ہفتہ وار چھٹی میں تبدیلی کی خبروں کو مسترد کر دیا

اسلام آباد(میڈیا92نیوزآن لائن رپورٹ اظہر محمود سے) حکومت نے ہفتہ وار چھٹی میں تبدیلی سے متعلق خبروں کی تردید کردی۔وفاقی وزیر اطلاعات فواد چوہدری نے سوشل میڈیا پر ٹوئٹ کرتے ہوئے ہفتہ وار چھٹی میں تبدیلی کی خبروں کو مسترد کر دیا۔اپنی ٹوئٹ میں فواد چوہدری نے کہا کہ ہفتہ وار چھٹی میں کوئی تبدیلی زیر غور نہیں، اس حوالے سے تمام خبریں بے بنیاد ہیں۔واضح رہےکہ گزشتہ چند روز سے ہفتہ وار چھٹی اتوار کی بجائے جمعہ کو ہونے کی خبریں زیرِ گردش تھیں اور اس حوالے سے سوشل میڈیا پر جعلی نوٹی فکیشن بھی سامنے آئے تھے۔