چیمپئنز ٹرافی سے آئوٹ ہونے کے بعد بھی پاکستان ہاکی ٹیم کی مشکلات ختم نہ ہوئیں

اسلام آباد:(سپورٹس ڈیسک/میڈیا92نیوز) چیمپئنز ٹرافی سے آئوٹ ہونے کے بعد پاکستان ہاکی ٹیم کی مشکلات ختم نہ ہوسکیں
نگران حکومت نے ہاکی چیمپئنز ٹرافی میں قومی ٹیم کی مایوس کن کارکردگی کا نوٹس لے لیا۔

بریڈا میں جاری چیمپئنز ٹرافی ہاکی ٹورنامنٹ میں راؤنڈ لیگ کے آخری میچ میں بیلجیئم سے شکست کے بعد پاکستانی ٹیم میڈل کی دوڑ سے باہر ہوگئی ہے۔
ہاکی چیمپئنز ٹرافی: بیلجیئم سے شکست، پاکستان میڈل کی دوڑ سے باہر
ذرائع کے مطابق نگران حکومت نے ہاکی ٹیم کی خراب اور مایوس کن کارکردگی کانوٹس لے لیا ہے۔
ذرائع نے بتایا کہ نگران حکومت نے ہاکی فیڈریشن کی20 کروڑ روپے کی خصوصی گرانٹ بھی روک لی ہے جس کی منظوری سابق وزیر اعظم شاہد خاقان عباسی نے دی تھی۔
دوسری جانب اسپورٹس بورڈ نے ٹیم کی ناقص کارکردگی پر پاکستان ہاکی فیڈریشن سےجواب طلب کرنےکا بھی فیصلہ کیا ہے۔
خیال رہے کہ ہاکی چیمپیئنز ٹرافی میں پاکستان کو بھارت سمیت ہالینڈ، بیلجیئم اور آسٹریلیا سے شکست کا سامنا کرنا پڑا۔