مقبوضہ کشمیر میں قابض بھارتی فوج کے مظالم جاری، مزید 2 کشمیری شہید

سری نگر اور ضلع بڈگام میں انٹرنیٹ سروس معطل، اسلام آباد میں کرفیو نافذ
سری نگر(میڈیا92نیوز آن لائن)مقبوضہ کشمیر میں بھارتی فوج کی ریاستی دہشت گردی کا سلسلہ جاری ہے اور آج پھر نام نہاد آپریشن کے نام پر دو کشمیریوں کو شہید کردیا گیا۔ میڈیارپورٹس کے مطابق قابض بھارتی فوج نے مقبوضہ کشمیر کے علاقے ہندواڑہ کا محاصرہ کیا جس کے دوران گھر گھر تلاشی لی گئی۔قابض فوج نے نام نہاد آپریشن کے نام پر فائرنگ کر کے 2 نوجوانوں کو شہید کردیا۔ قابض بھارتی انتظامیہ نے سری نگر اور ضلع بڈگام میں انٹرنیٹ سروس معطل کردی جب کہ سڑکوں پر بھارتی سیکیورٹی فورسز کے اہلکاروں کی بڑی تعداد موجود ہے۔ بھارتی میڈیا کے مطابق ضلع اسلام آباد (اننت ناگ) میں کرفیو نافذ ہے اور وادی میں فورسز کی اضافی نفری بھی تعینات ہے۔