عراق آنے والے مہینوں میں مزید مضبوط ہوگا ،فرانسیسی وعراقی صدورکی مشترکہ پریس کانفرنس
پیرس(میڈیا92نیوز آن لائن)عراق کے صدر برھم صالح نے کہا ہے کہ داعش کی صفوں میں شامل ان عناصر کو سزائے موت دی جائے گی جن کے خلاف عدالتوں میں مقدمات کے دوران جرائم کے ثبوت فراہم کیے گئے ہوں گے۔غیرملکی خبررساں ادارے کے مطابق گذشتہ روز فرانسیسی صدر عمانویل ماکروں کے ہمراہ ایک مشترکہ پریس کانفرنس سے خطاب میں عراقی صدر کا کہنا تھا کہ شام میں داعش کی صفوں میں لڑنے والے 13 فرانسیسی جنگجووں کے خلاف عراق کی عدالتوں میں مقدمات چلائے جائیں گے۔اگر عدالتوں نے ان کی سزائے موت کافیصلہ دیا تو حکومت ان سزاﺅں کی توثیق کریگی۔ایک سوال کے جواب میں صدر برھم صالح کا کہنا تھا کہ حال ہی شام میں کرد فورسز نے داعش کے گرفتار جنگجووں کو عراقی فوج کے حوالے کیا ہے۔ان کے خلاف تحقیقات جاری ہیں اور انہیں عراق کے قانون کے تحت سزا دی جائے گی۔انہوں نے کہا کہ عراق میں جرائم اور دہشت گردی میںملوث غیرملکیوں کے خلاف مقدمہ چلانے کا ہمیں حق حاصل ہے اور عالمی قانون بھی اس کی اجازت دیتا ہے۔انہوں نے کہا کہ داعش کے معاملے میں کسی قسم کی سودے بازے نہیں کی جائے گی۔ جو لوگ عراقی قوم کے خلاف جرائم اور تشدد میںملوث پائے جائیں گے انہیں عراق کی عدالتوں میں مقدمات اور سزاوں کا سامنا کرنا پڑے گا۔اس موقع پر فرانسیسی صدر نے کہا کہ دہشت گردی میں ملوث عناصر کے خلاف عدالتی کارروائی خود مختار ممالک کا حق ہے تاہم ان کا کہنا تھا کہ دوسرے ممالک میں مقدمات کا سامنا کرنے والے افراد کو سفارت خانوں کی طرف سے سفارتی تحفظ فراہم کی جاسکتی ہے۔ایک سوال میں فرانسیسی صدر کا کہنا تھا کہ عراق آنے والے مہینوں میں مزید مضبوط ہوگا اور پیرس عراق کی تعمیر نو میں بھرپور مدد فراہم کرے گا۔
ٹیگزAbbotabad AbbTak ACER afghanistan america Apple April Arfakareem ARY AryNews August Australia Autumn BadshahiMasjid balakot Balochistan Bangladesh BBC bol BOLNews Brazil Canada channel24 Channel5 china City42 CM CNN DAWLANCE DawnNews December DELL Denmark dubai duniya eid Ericsson ExpressNews Fashion FAST FC Feb Fortress France Gawadar GC Generation GeoNews Germany GIKI GREE Gujranwala Gulberg Haeir HAJ HARDEES HP Huwaie Hyderabad IndiaNews Indonesia iraq islamabad italy JAAG JAAGNEWS JahangirTomb Jamatulawal Jamatusani Jan jatiumra Jeans July June kaghan karachi Kashmir kasur KFC kpk kuwait lahore lahorenews larkana LG Liberty london LUMS MACbook Macdonalds Madina Makeups Makkah malaysia mansehra March May media92news media92tv MinarePakistan MITSHUBISHI MizareQuaid Muharram Multan Muzaffarabad naran NATIONAL NDTV neelumvaleey NEO News Newzealand Nigeria northkorea November tv انڈیا
یہ بھی پڑھیں
پاکستان میں انتخابات میں مداخلت پر تشویش ہے تحقیقات کی جائیں، امریکا
واشنگٹن: امریکا نے پاکستان میں ہونے والے عام انتخابات کے انعقاد اور لاکھوں شہریوں کی جانب …