محمد عامر، قصہ برطانیہ اور سنہرے باب کا اختتام

وہ فقط ،، سترہ سال کا نوجوان تھا ،،، لیکن اسکا زور بازو ایک دنیا کو اسکا اسیر بنا رہا تھا ۔۔ دبلا پتلا سا یہ کھلاڑی ،، جب جب کھیل کے میدان میں اترتا ،، شائقین جھوم اٹھتے ،، لیکن بڑے بڑے بلے باز ،،، اسکی گیند سے کتراتے تھے ،،، اپنے ٹیسٹ کے دس سالہ مختصر سے کیرئیر میں اس نے عروج کا زمانہ دیکھا ،،، تنازعات سے بھرپور وقت کا تجربہ کیا ،،، وہ کئی سال کھیل سے دور بھی رہا لیکن ،، وہ میدان میں واپس لوٹا ،، اور ،، پھر سے کرکٹ شائقین کی آنکھوں کا تارا بن گیا۔ آج ،، محض ستائیس سال کی عمر میں ،، اس نوجوان نے ٹیسٹ کرکٹ کو خیرباد کہنے کا اعلان کیا ،،، تو ایک دنیا ،،، اداس ہو گئی۔

ٹیسٹ  کرکٹ  میں  محمد  عامر  کا کیرئیر محدود  مگر  اتار  چڑھاو  سے  بھرپور  رہا  ۔۔۔  فاسٹ  باؤلر نے  اپنے  ٹیسٹ  کیئریر  کا  آغاز  سری  لنکا  کے خلاف  جولائی  دوہزار  دس  میں  کیا  تھا  ۔۔۔ اپنے پہلے ہی   ٹیسٹ  میچ  میں  محمد  عامر  نے  چھ  کھلاڑیوں  کا  شکار  کیا  مگر بدقسمتی  سے  پاکستان  یہ  میچ  پچاس  رنز  سے  ہار  گیا مگر  یہاں  سے  سفر  شروع  ہوا  ایوریج  سے  مایہ  ناز فاسٹ باولر  بننے  کا ۔۔

اسی  سال  نیوزی  لینڈ  کیخلاف  سیریز  میں  بائیں  ہاتھ  کے  باولر  نے  سات  کھلاڑیوں  کو  پویلین  کی  راہ  دیکھائی  ۔۔  محمد  عامر  نے  دو  ہزار  نو  دس  میں  ہی  آسٹریلیا  کی  سرزمین  اپنی  دھاک  بٹھائی  ۔۔۔۔

سیریز  کے  پہلے  میلبرن  ٹیسٹ  میں  محمد  عامر  نے  پہلی  بار ایک اننگز میں  پانچ  کھلاڑیوں  کو  آوٹ  کرنے  کا  اعزاز حاصل  کیا  مگر  قومی  ٹیم  یہ  سیریز  تین  صفر  سے  ہار  بیٹھی  ۔۔۔  اس  سیریز  میں  محمد  عامر  نے دو  ٹیسٹ  میچوں  میں مجموعی  طور  پر  آٹھ  کھلاڑی  آوٹ  کیے۔

اٹھارہ  سال  کی  عمر  میں  محمد  عامر کے سنہرے  دور  اور  زوال  کی  کہانی  برطانوی  سرزمین  پر  شروع  اور  وہیں  پر  ہی  ختم  ہوئی  ۔۔  سال  دوہزار  دس  میں  لارڈز  ٹیسٹ  میں اسپاٹ  فکسنگ  کے  باعث  محمد  عامر  کو  پانچ  سال  پابندی  اور  چھ  ماہ  قید  کا  سامنا  کرنا  پڑا  ۔۔۔

اسی  سیریز  میں  وہ  انیس کھلاڑیوں کو پویلین کی راہ دکھا کر مین  آف  دی  سیریز کا ٹائٹل اپنے نام کرنے میں کامیاب رہے صرف یہی نہیں بلکہ  اٹھارہ  سال  کی کم  ترین  عمر  میں  پچاس  کھلاڑیوں کو آّٹ  کرنے والے  پہلے  فاسٹ  باولر  کا اعزاز بھی حاصل کر لیا۔

ویسے  تو  محمد  عامر  نے  سال  دو ہزار  پندرہ  میں ہی انٹرنیشنل  کرکٹ  میں  کم  بیک  کیا  لیکن  ٹیسٹ  کرکٹ  میں وہ  دو ہزار  سولہ  میں  ان  ایکشن  نظر  آئے  ۔۔۔  وقت نے پانسہ پلٹا تو محمد عامر کی ٹیسٹ کرکٹ کی دنیا میں واپسی اسی لارڈز کے  تاریخی میدان سے ہوئی جہاں سے انہیں پابندی کی ہزیمت کا سامان کرنا پڑا تھا  ۔۔۔

لارڈز  ٹیسٹ  میں فاسٹ  باولر  نے  تین  کھلاڑیوں  کو  آوٹ  کیا، قومی  ٹیم  نے  اس  میچ  میں  یادگار  فتح  بھی  سمیٹی  ۔۔۔ اپریل  دوہزار  سترہ میں ویسٹ انڈیز کے خلاف کنگسٹن میچ میں  چوالیس رنز کے عوض  چھ وکٹیں ان کے  ٹیسٹ  کیرئیر  کی  بہترین باولنگ ہے۔۔۔

محمد  عامر  نے  اپنے  ٹیسٹ  کیئریر  کا  آخری  میچ  جنوبی  افریقہ  کے خلاف  جوہانسبرگ  میں  کھیلا  تھا  ۔۔۔  اس  میں  انہوں  نے  چار  کھلاڑیوں  کو  پویلین  کی  راہ  دکھائی مگر  انہیں  کیا  معلوم  تھا کہ  یہ  ٹیسٹ  ان  کا  آخری  ٹیسٹ  ثابت  ہو گا ۔۔۔

مسلسل  انجریوں  اور  کرکٹ  کے  بڑھتے  میچز  کے  باعث  محمد  عامر نے  ٹیسٹ  کرکٹ  کو  گڈ بائی کہہ دیا  ہے  ۔۔۔  انہوں  نے  اپنے  ایک  پیغام  میں  کہا  ہے  کہ “ٹیسٹ  کرکٹ سے  علیحدگی  اختیار  کرنا  مشکل  فیصلہ  تھا۔ ایک روزہ اور ٹی ٹونٹی کرکٹ پر  توجہ  مرکوز رکھنا  چاہتا  ہوں  ۔۔۔  سال  دوہزار  بیس  کے  آئی سی سی ورلڈ ٹی ٹونٹی میں شرکت کے لیے اپنی فارم اور فٹنس برقرارکھنے کی کوشش کروں گا”

محمد عامر نے ٹیسٹ  کے  نو  سالہ  کیئریر  کے  دوران  چھیتس ٹیسٹ میچوں میں پاکستان  کی  نمائندگی  کی  ہے  جس  میں  انہوں  نے مجموعی طور پر تیس کی اوسط سے  ایک  سو  انیس وکٹیں حاصل کیں۔۔۔  بولنگ  کے  برعکس  بلے  بازی  میں  محمد  عامر  کچھ  خاص  تو  نہیں  کرپائے  ۔۔۔ انہوں  نے  چھتیس  ٹیسٹ  میچوں  کی سرسٹھ  اننگز  میں  تیرہ  عشاریہ  اکتالیس  کی  اوسط  سے  سات  سو  اکاون  رنز  بنائے ۔۔۔ ایک  اننگز  میں  ارتالیس  ان  کا سب  سے  زیادہ انفرادی اسکور  ہے۔

محمد عامر نے ٹیسٹ کے اس مختصر سے وقت میں بہت کچھ سمیٹنے کی بہت بڑی قیمتیں چکائیں۔ وہ عہد جب اسکے اپنے ہم وطن اس سے لا تعلق ہوئے تو ،،، عہد ساز محمد عامر نے خود زندگی بدلنے کی ٹھانی۔ اسے دنیا بھر سے عہد رفتہ کے مایہ ناز بلے بازوں سے پذیرائی ملی۔ لاتعلق ہونے والے اپنوں نے انہیں تسلیم بھی کیا۔ انکا کیرئیر پاکستانی کرکٹ کا روشن باب ہونے کے ساتھ ساتھ ،، نئے آنے والے کھلاڑیوں کے لئے ایک سبق بھی ہے۔ دونوں خدمات کے حوالے سے انہیں ہمیشہ یاد رکھا جائے گا۔