واٹس ایپ پر جج کی تبدیلی ، لیگی رہنما احسن اقبال نے عدلیہ کی خود مختاری پر وار قرار دے دیا

اسلام آباد (میڈیا92نیوز)وفاقی وزارت قانون نے آج صبح لاہور کی احتساب اور خصوصی عدالتوں کے تین ججز کو واپس لاہور ہائی کورٹ بھیج دیا۔ عدالت میں رانا ثناء اللہ کے کیس کی سماعت کرنے والے جج نے کہا کہ مجھے واٹس ایپ کر دیا ہے کہ آپ کام نہیں کر سکتے۔ جس پر سوشل میڈیا پر واٹس ایپ پر انصاف نامنظور کا ٹرینڈ بن گیا ہے۔
ججز کی تبدیلی پر مسلم لیگ ن کے رہنما احسن اقبال نے بھی موجودہ حکومت کو تنقید کا نشانہ بنایا اور کہا کہ عدلیہ کی خود مختاری پر اس سے زیادہ کاری وار نہیں ہو سکتا۔ رانا ثناء اللہ کی درخواست ضمانت پر فیصلے سے کچھ دیر قبل جج کا وفاقی وزارت قانون کی جانب سے واٹس ایپ پر پیغام بھیج کر تبادلہ کر دیا گیا ۔ اس سے زیادہ اور اس بات کا ثبوت کیا ہو گا کہ رانا ثناءاللہ حکومتی انتقام کا نشانہ بنے ہیں۔

There can’t be more blatant attack on the independence of judiciary. Just before Judge is about to decide bail matter of Rana Sanaullah he is transferred on whatsapp by Min of Law & Justice. What more proof that Rana Sanaullah is a victim of government’s vendetta. pic.twitter.com/VlsCOrYT0M

— Ahsan Iqbal (@betterpakistan) August 28, 2019

احسن اقبال کےاس ٹویٹ کے بعد سوشل میڈیا صارفین نے بھی واٹس ایپ پر کیے گئے فیصلوں کے خلاف احتجاج شروع کر دیا اور کہا کہ اب یہ بات ثابت ہو گئی ہے کہ رانا ثناء اللہ کو سیاسی انتقام کا نشانہ بنایا گیا ہے جسے واٹس ایپ کے ذریعے کنٹرول کیا جا رہا ہے۔

Now it's cleared that Rana Sanaullah is suffering from political victimizatio that is control through WhatsApp.#واٹس_ایپ_انصاف_نامنظور pic.twitter.com/GbVQTqrA5R

— Rashid Riaz (@RadhidRiaz) August 28, 2019

ایک صارف نے کہا کہ آج پاکستان میں انصاف کا جنازہ نکل گیا ہے۔

The funeral of justice is being carried out in Pakistan#واٹس_ایپ_انصاف_نامنظور

— Irfan Butt (@kiNAas_Butt) August 28, 2019

ایک اورصارف نے کہا کہ پاکستان کی عدالتی تاریخ کا انوکھا واقع آج ہوا جب اینٹی نارکوٹکس فورس کو کہا گیا رانا ثناء اللہ کے خلاف ثبوت پیش کریں اور وہ کوئی ثبوت پیش نہ کر سکے پھر جج نے ایک گھنٹے کا بریک لیا اور واپس آ کر فیصلہ کرنے کے بجائے فرمایا مجھے واٹس ایپ آیا ہے ہائیکورٹ نے کام سے روک دیا ہے۔

پاکستان کی عدالتی تاریخ کا انوکھا واقع آج ہوا جب ANF کو کہا گیا رانا ثناء اللہ کے خلف ثبوت پیش کریں اور وہ کوئ ثبوت پیش نہ کر سکے پھر جج نے ایک گھنٹے کا بریک لیا اور واپس آ کر فیصلہ کرنے کے بجائے فرمایا مجھے وٹس آیپ آیا ہےہائیکورٹ نے کام سے روک دیا ہے#واٹس_ایپ_انصاف_نامنظور pic.twitter.com/fD4UPOHSWL

— گوجرانوالا کا لیگی ? (@MeharIrfan20) August 28, 2019

سوشل میڈیا صارفین #واٹس_ایپ_انصاف_نامنظورکا ہیش ٹیگ استعمال کر کے اس فیصلے کے خلاف اپنا احتجاج ریکارڈ کروا رہے ہیں۔