اسلام آباد (میڈیا92نیوز)پاکستان تحریک انصاف کے رکن قومی اسمبلی ڈاکٹر عامر لیاقت حسین نے وزیراعظم عمران خان کی معاون خصوصی برائے اطلاعات پر کڑی تنقید کر ڈالی۔ مائیکروبلاگنگ ویب سائٹ ٹویٹر پر اپنے پیغام میں ڈاکٹر عامر لیاقت حسین نے کہا کہ آج مجھے خوشی محسوس ہورہی ہے کہ میں نے فردوس عاشق اعوان کو ان فالو کیاتھا۔
انہوں نے بے ہنگم گفتگو, تسلسل سے مسلسل فضول الفاظ کی دھول ، عمران خان کی ہدایات کے برعکس فردوسی بیانات کی یلغار نے تنگ کر کے رکھا ہوا ہے پوری قوم کو۔
آج مجھے خوشی محسوس ہورہی ہے کہ میں نے فردوس عاشق اعوان کو #Unfollow کیاتھا, بے ینگم گفتگو, تسلسل سے مسلسل فضول الفاظ کی دھول ,
عمران خان @ImranKhanPTI کی ہدایات کے برعکس فردوسی بیانات کی یلغار, تنگ کر کے رکھا ہوا ہے پوری قوم کو— Aamir Liaquat Husain (@AamirLiaquat) August 28, 2019
انہوں نے اپنے ٹویٹر پیغام میں مزید کہا کہ پی ٹی وی میں سنگین بے قاعدگیوں کو تحفظ دینے کے سوا فردوس عاشق اعوان کو کیا آتا ہے؟ انہوں نے کہا کہ آصف راڈو نے رمضان المبارک میں 50 روپے کا افطار باکس 250 میں دیا انہیں بتایا گیا، خاور اظہر کی خلاف ضابطہ تقرری، امین اختر اور عمیر معصوم کو ہیوی پیکچ پر مارکیٹنگ سونپنا، ان محترمہ کو کچھ نظر نہیں آتا۔
پی ٹی وی میں سنگین بے قاعدگیوں کو تحفظ دینے کے سوا فردوس عاشق اعوان کوکیااتاہے؟ آصف راڈو نے رمضان المبارک میں 50 روپے کا افطار باکس 250 میں دیا انہیں بتایا گیا, خاور اظہر کی خلاف ضابطہ تقرری, امین اختر اور عمیر معصوم کو ہیوی پیکچ پر مارکیٹنگ سونپنا, محترمہ کو کچھ نظر نہیں آتا
— Aamir Liaquat Husain (@AamirLiaquat) August 28, 2019
ڈاکٹر عامر لیاقت حسین نے کہاکہ مران خان عمران خان نے کہا جمعے کے روز 12 بجے سے 12:30 کشمیریوں سے اظہار یکجہتی کرنا ہے اور یہ فرماتی ہیں کہ جو جہاں موجود ہو وہ 30 منٹ کے لیے 12 بجے کھڑا ہوجائے” بات کرنےکا کوئی طریقہ ہوتا ہے۔ اپیل اور حکم میں فرق ملحوظ خاطر رکھیں ۔ قوم دل سے کشمیریوں کے ساتھ ہے حکم کی ضرورت نہیں ۔
عمران خان @ImranKhanPTI نے کہا جمعے کے روز 12 بجے سے 12:30 کشمیریوں سے اظہار یکجہتی کرنا ہے یہ فرماتی ہیں کہ جو جہاں موجود ہو وہ3 منٹ کے لیے 12 بجے کھڑا ہوجائے" بات کرنےکا کوئی طریقہ ہوتا ہے,اپیل اور حکم میں فرق ملحوظ خاطر رکھیں , قوم دل سے کشمیریوں کے ساتھ ہے حکم کی ضرورت نہیں
— Aamir Liaquat Husain (@AamirLiaquat) August 28, 2019
خیال رہے کہ پاکستان تحریک انصاف کے رکن قومی اسمبلی ڈاکٹر عامر لیاقت حسین اس سے قبل بھی اپنی حکومت اور پارٹی رہنماؤں پر تنقید کرتے نظر آتے ہیں لیکن اس مرتبہ انہوں نے فردوس عاشق اعوان کا نام لے کر ان پر کڑی تنقید کی ہے۔
ڈاکٹر عامر لیاقت حسین کی جانب سے کی جانے والی تنقید پر تاحال وزیراعظم عمران خان کی معاون خصوصی برائے اطلاعات فردوس عاشق اعوان نے تاحال کوئی رد عمل نہیں دیا۔سیاسی مبصرین کا کہنا ہے کہ ڈاکٹر عامر لیاقت حسین کی فردوس عاشق اعوان پر اس لیول کی تنقید دیکھ کر لگتا ہے کہ بہت جلد پاکستان تحریک انصاف میں بھی پھوٹ پڑ جائے گی کیونکہ حکمران جماعت کے اپنے ہی رہنما حکومت نمائندوں پر تنقید کرنے کے لیے سوشل میڈیا پلیٹ فارمز کا استعمال کر رہے ہیں جس سے حکومت کے اندرونی اختلافات واضح ہو جائیں گے اور اس سلسلے میں اپوزیشن بھی فائدہ اُٹھا سکتی ہے ۔