سینیٹ کی جیت نے جمہوریت کو روبوٹ کی طرح چلانے والوں کی سیاست دفن کر دی: فردوس عاشق

لاہور (میڈیا 92 نیوز آن لائن ) وزیراعظم کی معاون خصوصی برائے اطلاعات فردوس عاشق اعوان کا کہنا ہے کہ سینیٹ کی جیت نے جمہوریت کو روبوٹ کی طرح چلانے والوں کی سیاست دفن کر دی ہے۔

فردوس عاشق اعوان نے سوشل میڈیا پر اپنے بیان میں کہا کہ اپنی مرضی سے ووٹ دینا ہی اصل جمہوریت ہے۔

انہوں نے مزید کہا کہ معزز سینیٹرز کو دھمکیاں دینا انتہائی قابل مذمت ہے، اپوزیشن پہلے اپنی صفوں میں جمہوریت کو فروغ دے۔ان کا کہنا تھا کہ چھانگا مانگا گروپ آج کس منہ سے ضمیر کی آواز پر لبیک کہنے والوں کے خلاف بول رہے ہیں؟

چھانگا مانگا گروپ آف انڈسٹریز چلانے والے آج کس منہ سے ضمیر کی آواز پر لبیک کہنے والوں کے خلاف بول رہےہیں؟ راجکماری جی آنکھیں کھولیں۔ یہ نیا پاکستان ہے، یہاں لوگ ضمیر کی آواز پر موروثی غلامانہ سیاست کو مسترد کر رہے ہیں۔

— Firdous Ashiq Awan (@Dr_FirdousPTI) August 2, 2019

سینٹ کی جیت نے جمہوریت کو روبوٹ کی طرح چلانے والوں کی سیاست دفن کر دی ۔اپوزیشن پہلے اپنی صفوں میں جمہوریت کو فروغ دے۔معزز سینیٹرز کو دھمکیاں دینا انتہائی قابل مذمت ہے۔اپنی مرضی سے ووٹ دینا ہی اصل جمہوریت ہے۔

— Firdous Ashiq Awan (@Dr_FirdousPTI) August 2, 2019

2013میں ظل سبحانی نے الیکشن نتائج سے پہلے ہی اعلان کرکے جو دھاندلی کی تھی وہ راجکماری کیوں بھول گئیں؟ ذاتی اور سیاسی مفاد کیلئے آپ نے وفاق کی علامت ادارے کو بھی معاف نہیں کیا۔

— Firdous Ashiq Awan (@Dr_FirdousPTI) August 2, 2019

مسلم لیگ ن کی نائب صدر مریم نواز کا نام لیے بغیر فردوس عاشق اعوان نے کہا کہ راجکماری صاحبہ آنکھیں کھولیں، یہ نیا پاکستان ہے، یہاں لوگ ضمیر کی آواز پر موروثی غلامانہ سیاست کو مسترد کر رہے ہیں۔

وزیراعظم کی معاون خصوصی نے کہا کہ 2013 میں ظلِ سبحانی نے الیکشن نتائج سے پہلے ہی اعلان کیا، اس وقت جو دھاندلی کی گئی تھی وہ راجکماری کیوں بھول گئیں؟

انہوں نے مزید کہا کہ ذاتی اور سیاسی مفاد کے لیے آپ نے وفاقی ادارے کو بھی معاف نہیں کیا