ثانیہ مرزا کی بیٹے کے ہمراہ تصاویر وائرل

اسلام اباد(نیٹ نیوز)
شعیب ملک اور ثانیہ مرزا کے بیٹے اذہان مرزا ملک کی تصاویر منظرعام پر آگئیں۔

بھارتی ٹینس اسٹار ثانیہ مرزا کی حیدرآباد دکن کے مقامی اسپتال سے ڈسچارج ہونے کی تصاویر سوشل میڈیا پر وائرل ہورہی ہیں جن میں وہ اپنے بیٹے اذہان کو گود میں لیے ہوئے اسپتال سے باہر آ رہی ہیں۔
اسپتال کی جاری کردہ تصاویر میں ثانیہ مرزا کے ہمراہ اسپتال کا عملہ بھی موجود ہے ۔
واضح رہے کہ بیٹے کی ولادت سے قبل شعیب ملک قومی ٹیم سے مختصر رخصت لے کر ہنگامی بنیادوں پر یو اے ای سے بھارت کے شہر حیدرآباد دکن پہنچے تھے۔

شعیب ملک اور ثانیہ کے ہاں بیٹے کی ولادت

30 اکتوبر کو بیٹے کی پیدائش کے بعد شعیب ملک فوری طور پر واپس یو اے ای واپس آگئے جہاں انہوں نےنیوزی لینڈ کے خلاف پہلے ٹی ٹونٹی میچ میں پاکستان ٹیم کی نمائندگی کی۔