جنسی ہراسانی کے الزام کے بعد نانا پاٹیکر فلم ’ہاؤس فل 4‘ سے باہر

ممبئی(نیٹ نیوز) اداکارہ تنوشری دتہ کی جانب سے جنسی ہراسانی کے الزامات کا سامنا کرنے والے اداکار نانا پاٹیکر مکمل طور پر فلم ’ہاؤس فل 4‘ سے باہر ہوچکے ہیں۔

نانا پاٹیکر نے فلم کی شوٹنگ کے دوران ہراساں کیا، اداکارہ تنوشری دتہ کا انکشاف

واضح رہے کہ فلم میں مرکزی کردار نبھانے والے اکشے کمار نے سوشل میڈیا پر درخواست کی تھی کہ جب تک قانونی کارروائی مکمل نہیں ہوجاتی فلم کی عکس بندی روک دی جائے۔

جس کے بعد ’فلم ہاؤس فل 4‘ میں نانا پاٹیکر پر فلمائے جانے والے مناظر کی عکس بندی روک دی گئی تھی۔

تاہم اب بھارتی میڈیا کے مطابق نانا پاٹیکر کو فلم سے باہر کرنے کا فیصلہ کیا جارہا ہے اور فلم میں جتنے مناظر کی عکس بندی ہوچکی ہے، انہیں تلف کیا جارہا ہے۔
جنسی ہراساں کرنے کا الزام: نانا پاٹیکر نے تنوشری دتہ کو قانونی نوٹس بھجوادیا

واضح رہے کہ تنوشری دتہ کی مدعیت میں ممبئی پولیس نے بالی ووڈ اداکار نانا پاٹیکرکے خلاف جنسی ہراسانی کا مقدمہ بھی درج کرلیا ہے۔

اداکار نانا پاٹیکر کے علاوہ دیگر 3 شخصیات بھی مقدمے میں نامزد ہیں جن میں کوریوگرافر گنیش اچاریہ، پروڈیوسر سمیع صدیقی اور ڈائریکٹر راکیش سارنگ شامل ہیں۔