موٹروے پر خاتون سے زیادتی، فنکاروں کا ملزمان کو سرِعام پھانسی دینے کا مطالبہ

لاہور( میڈیا 92 نیوز) زیشان گیلانی سے

موٹروے پر خاتون سے زیادتی، فنکاروں کا ملزمان کو سرِعام پھانسی دینے کا مطالبہ

شوبز فنکاروں نے لاہور موٹروے پر خاتون کے ساتھ اجتماعی زیادتی کرنے والے ملزمان کو سرِ عام پھانسی دینے کا مطالبہ کیا ہے۔

لاہور موٹر وے پر گزشتہ روز گوجرانوالہ کی رہائشی ثنا نامی خاتون کے ساتھ افسوس ناک واقعہ اس وقت رو نما ہوا جب لاہور موٹر وے پر اُن کی گاڑی کا پیٹرول ختم ہو گیا۔ اس دوران ملزمان نے موقع کا فائدہ اٹھاتے ہوئے خاتون کو زدوکوب کیا اور گاڑی کے شیشے توڑ کر انہیں گن پوائنٹ پر کھیتوں میں لے جا کر زیادتی کا نشانہ بنایا۔

انسانیت سوز واقعے کی خبر جنگل کی آگ کی طرح پھیلی تو ہر جانب سے ملزمان کی گرفتار کے لیے آوازیں اٹھنے لگیں۔ دکھ کی اس گھڑی میں شوبز فنکاروں نے بھی خاتون سے اظہار ہمدردی کرتے ہوئے ملزمان کو سرعام پھانسی دینے کا مطالبہ کردیا۔

– I will always count on your statement that Pakistan will be “Riasat e Madina” and if you don’t hang these monsters raping and killing children and women in the open nothing can ever be changed … just make one example. Public execution is what I demand @ImranKhanPTI

— Feroze Khan (@ferozekhaan) September 10, 2020

اداکار فیروز خان نے اپنی ٹویٹ میں وزیر اعظم عمران خان کو مخاطب کرتے ہوئے کہا کہ میں ہمیشہ آپ کے بیان کی تائید کرتا رہوں گا کہ پاکستان ضرور ریاستِ مدینہ بنے گا لیکن اگر آپ بچوں اور خواتین کے ساتھ زیادتی اور بچوں کا قتل کرنے والے ملزمان کو سرعام پھانسی نہیں دیں گے تو کبھی بھی کچھ نہیں بدلے گا۔ اس ضمن میں آپ کو دوسروں کے لیے ایک مثال قائم کرنی ہوگی اور یہی میرا مطالبہ ہے۔

I demand public hanging of the culprits @ImranKhanPTI … you must set an example #motorwayincident #PublicHangingOfRapist

— aijaz aslam (@aijazz7) September 10, 2020

اعجاز اسلم نے پی ٹی آئی کی حکومت سے مطالبہ کیا کہ آپ کو ان ملزمان کو سرِ عام پھانسی دے کر مثال قائم کرنی ہوگی۔

#PublicHangingOfRapists #PublicHangingOfRapists #PublicHangingOfRapists #PublicHangingOfRapists #PublicHangingOfRapists

— Asim Azhar (@AsimAzharr) September 10, 2020

گلوکار عاصم اظہر نے اپنی ٹویٹ میں ’’زیادتی کرنے والوں کو سرِ عام پانسی دو‘‘ کا ہیش ٹیگ استعمال کرتے ہوئے اپنا موقف پیش کیا۔

#hangrapistspublicly pic.twitter.com/BFWEi8CRYu

— Rabia Anum Obaid (@RabiaAnumm) September 10, 2020

ٹیلی ویژن میزبان رابعہ انعم نے اس ظلم پر آواز اُٹھاتے ہوئے زیادتی کے مرتکب افراد کو سرِ عام پھانسی پر لٹکانے کا کہا۔

#hangrapistspublicly https://t.co/Vo277IGdL6

— Sanam Baloch (@SanamBalochfans) September 10, 2020

اداکارہ صنم بلوچ نے ثناء بُچا کی ٹویٹ کو ری ٹویٹ کرتے ہوئے سرِ عام پھانسی کا ہیش ٹیگ بھی استعمال کیا۔ ثنا بچا کے ٹویٹ میں لکھا تھا کہ ’’واقعے کے بعد موٹروے حکام اپنی حدود کا تعین کرتے رہے اور اس دوران حوا کی بیٹی کی عزت کی حدود پار کی گئی اور ملزمان تو انسانیت کی حدود سے ہی گزر گئے‘‘۔

اداکارہ عائشہ عمر نےٹوئٹ کیا ’’اس وقت کیا ہوگا جب کسی خاتون کو ہنگامی حالت میں رات کو گھر سے باہر جانا پڑے۔ اس وقت کیا ہوگا جب اس کی فیملی کو ایمرجنسی طبی امداد کی ضرورت ہوگی؟ عائشہ عمر نے لکھا کہ میں دنیا کے کسی بھی حصے میں میں رات ایک بجے سڑکوں پر خود کو محفوظ تصور کرتی ہوں مگر صرف اپنے ہی ملک میں غیرمحفوظ سمجھتی ہوں، یہاں تک کہ اپنی کار میں بھی۔

And what if a woman needs to go out at night for an emergency. What if she or someone in her family needed medical help? I can walk on the streets at 1 am in other parts of the world and feel completely safe but just not in my own country, even inside a car. #motorwayincident

— Ayesha Omar (@ayesha_m_omar) September 10, 2020

اداکارہ مہوش حیات نے اپنی ٹوئٹ میں سوال کیا کہ کیسے سنگاپور میں خواتین رات کو 4 بجے بھی گھر سے نکل جاتی ہیں؟ انہوں نے پوچھا کہ یہی تحفظ ہمارے ملک میں خواتین کو کیوں نہیں ہوسکتا؟

انہوں نے سوال کیا کہ ہم جمہوری ملک میں رہتے ہیں یا کسی جنگل میں؟ ساتھ ہی انہوں نے موٹروے پر خاتون کو نشانہ بنانے والے ملزمان کو سرعام پھانسی دینے کا مطالبہ بھی کیا اور کہا کہ جب تک ذہنیت تبدیل نہیں ہوگی کچھ بھی نہیں بدلے گا۔

How come in Singapore women are safe to walk home alone even at 4am?Why can’t we have the same sense of security here?! Are we living in a civilised society or a jungle?Scream all you want abt #PublicHangingOfRapists -nothing will happen till the mindset changes!#motorwayincident https://t.co/Mfl4h8bfcN

— Mehwish Hayat TI (@MehwishHayat) September 10, 2020