پنجاب لینڈ ریکارڈ اتھارٹی کے تمام افسران وملازمین اپنے اثاثے ظاہر کروایں گے ، ُاوپر سے حکم جاری کر دیا گیا

ڈائریکٹر جنرل معظم اقبال سپرا کی زیر صدارت پنجاب لینڈ ریکارڈز اتھارٹی افسران کا تعارفی اجلاس

لاہور(میڈیا 92نیوز آن لائن)

ڈائریکٹر جنرل پنجاب لینڈ ریکارڈز اتھارٹی معظم اقبال سپرا کی زیر صدارت پی ایل آر اے افسران کا تعارفی اجلاس منعقد ہوا۔ افسران نے اپنے کام کی نوعیت اور پراگریس کے حوالے سے بریفنگ دی۔

ڈائریکٹر جنرل پی ایل آر اے نے کہا کہ افسران کے درمیان رابطوں کے فقدان کو ختم کر کے دفتری روابط بہتر بنا ئے جائیں اور تمام افسران کے ا دارے کی بہتری کیلئے ایک ٹیم کی صورت میں کام کرنے کی ٖضرورت پر زور دیا۔

معظم اقبال سپرا کا کہنا ہے کہ تمام کاموں کیلئے ایس و پیز بنانے جائیں اور تمام افسران اور سٹاف کے اثاثہ جات ظاہر کرنے کو لازمی قرار دیا گیا۔افسران کو سروس ڈیلیوری بہتر بنانے کیلئے تجاویز دینے اور شکایات کے بروقت و فوری ازالے کیلئے ہدایات جاری کیں۔

ڈی جی پی ایل آراے کا کہنا تھا کہ ان کے آنے کے بعد اراضی ریکارڈ سنٹرز پر خدمات کی فراہمی میں واضح تبدیلی دیکھنے کو ملے گی۔

ڈی جی پی ایل آر اے کا مزید کہنا تھا کہ عوام کی طرف سے خدمات کی فراہمی کو بہتر بنانے کیلئے دی جانے والی قابل عمل تجاویز کا بھی خیر مقدم کیا جائے گا۔

اجلاس میں ایڈیشنل ڈائریکٹر جنرل سجاد احمد، ڈائریکٹر ایچ آر رضوان نذیر، ڈائریکٹر فنانس کامران حفیظ، ڈائریکٹر آئی ٹی اسامہ بن سعید سمیت ایڈیشنل ڈائریکٹرز اور ڈپٹی ڈائریکٹرز شامل تھے۔