داعش کے سربراہ ابوبکر البغدادی امریکی حملے میں ہلاک

روس(میڈیا92نیوز آن لائن)داعش کے سربراہ ابوبکر البغدادی امریکی حملے میں ہلاک ہو گئے۔روسی میڈیا نے سینئر پینٹاگون عہدیدار کے حوالے سے دعویٰ کیا ہے کہ ابو بکر البغدادی کو شام کے علاقے ادلب میں خفیہ آپریشن کے دوران ہلاک کیا گیا۔پینٹاگون ذرائع کے مطابق امریکی اسپیشل فورسز نے صدر ڈونلڈ ٹرمپ کی منظوری کے بعد ادلب میں آپریشن کیا۔

ذرائع کا مزید کہنا ہے کہ پر اعتماد ہیں کہ آپریشن میں ٹارگٹ کیا گیا گیا بڑا ہدف البغدادی ہی تھا۔داعش کا سربراہ ابوبکر البغدادی زندہ ہے، کرد سیکیورٹی حکام کا دعویٰ امریکی صدر ڈونلڈ ٹرمپ نے بھی اپنے بیان میں کہا ہے کہ کچھ دیر پہلے بہت بڑا واقعہ پیش آیا ہے۔

دوسری جانب امریکی خبر رساں ادارے نیوز ویک کا کہنا ہے کہ آپریشن میں البغدادی کی ہلاکت کی تصدیق ابھی جاری ہے۔خیال رہے کہ داعش کے سربراہ ابوبکرالبغدادی کو دنیا کا مطلوب ترین دہشت گردی قرار دیا گیا جس کے سر کی قیمت 25 ملین ڈالر رکھی گئی تھی اور پہلے بھی کئی بار ابوبکر البغدادی کی ہلاکت کی خبریں سامنے آ چکی ہیں۔