بھارت نے دنیا کے سب سے اونچے مجسمے سے پردہ اُٹھا دیا، دلچسپ خبر

ممبئی(نیٹ نیوز/میڈیا92نیوز) بھارتی وزیر اعظم نریندر مودی نے آج دنیا کے سب سے اونچے، سردار پٹیل مجسمے کا افتتاح کردیا۔
ریاست گجرات میں بھارت کی جدوجہد آزادی کے ہیرو سردار ولبھ بھائی پٹیل کو خراج عقیدت پیش کرنے کے لیے تقریبا 182 میٹر (600 فٹ) اونچا مجسمہ تعمیر کیا گیاہے جس پر تقریباً تین ہزار کروڑ روپے لاگت آئی۔کہا جاتا ہے کہ یہ مجسمہ کم سے کم 30 عظیم االشان یونیورسٹیز کے برابر وزن رکھتا ہے۔

اس وقت دنیا کا سب سے بڑا مجسمہ چین میں اسپرنگ ٹمپل بدھا کا ہے جس کی اونچائی 138 میٹر ہے۔’اسٹیچیو آف یونیٹی کہلانے والے اس مجسمے کومودی کی ذاتی دلچسپی پر مشتمل منصوبے کے طور پر دیکھا جا رہا ہے۔ولبھ بھائی پٹیل بھارت کے ایک سیاسی و سماجی رہنما تھے، جنہوں نے تحریک آزادئ ہند اور بعد از تقسیم ہند بھارت کی تکمیل میں اہم کردار ادا کیا۔ بھارت اور دنیا بھر میں انہیں ‘سردار’ کے نام سے جانا جاتا تھا اس لیے آپ سردار ولبھ بھائی پٹیل بھی کہلاتے ہیں۔1947 میں بھارت کی آزادی کے بعد ولبھ بھائی پٹیل ملک کے پہلے ڈپٹی وزیراعظم بنے تھے۔بھارت میں انہیں ’آئرن مین آف انڈیا‘ کے نام سے یاد کیا جاتا ہے۔