ممبئی (میڈیا پاکستان) بولی وڈ اداکار ورن دھون اپنے کیریئر میں تیزی سے آگے بڑھ رہے ہیں، رواں سال دو بلاک بسٹر ہٹ فلموں میں کام کرنے کے بعد اب اداکار کا مومی مجسمہ بنانے کا اعلان بھی کردیا گیا۔ ورن دھون کی رواں سال دو فلمیں ریلیز ہوئیں جن میں بدری ناتھ کی دلہنیا اور جڑواں 2 شامل ہیں، ان دونوں ہی فلموں نے باکس آفس پر شاندار بزنس کیا۔ وہ نئی نسل کے پہلے نوجوان اداکار ہیں جن کا مومی مجسمہ ہانگ کانگ کے مادام تسا¶ میوزیم کی زینت بنے گا۔ اس میوزیم میں امیتابھ بچن اور ہندوستانی وزیر اعظم نریندر مودی کا مجسمہ بھی موجود ہے۔ خیال رہے کہ کئی بولی وڈ اداکاروں کے مومی مجسمے لندن کے مادام تسا¶ میں موجود ہیں، ان میں شاہ رخ خان، سلمان خان، ہریتھک روشن، کترینہ کیف، کرینہ کپور، ایشوریا رائے بچن اور مادھوری ڈکشٹ شامل ہیں۔ اپنا مومی مجسمہ بننے کا اعلان اداکار نے ٹوئٹراکا¶نٹ پر کیا، ساتھ ساتھ ایسی تصاویر بھی شیئر کی جن میں اس میوزیم کی ٹیم مجسمے کے لیے ان کے لُکس کاپی کررہی ہے۔ میڈیا رپورٹس کے مطابق اس حوالے سے اداکار کا کہنا تھا کہ وہ کافی خوش ہیں اور اپنا مجسمہ دیکھنے کے لیے بےحد پرجوش بھی ہیں۔
