سلمان خان کی شادی کاراز فاش

دہلی(شوبز ڈیسک/میڈیا 92نیوز)بالی وڈ اسٹار سلمان خان نے شادی کے بھاری بھرکم اخراجات کو کنوارگی کی وجہ قرار دے دیا۔

سلمان خان اب تک زندگی کی 52 بہاریں دیکھ چکے ہیں لیکن اس کے باوجود بھی بھارتی فلم نگری کے کنوارے سپر اسٹار ہیں۔

سلو میاں کے معاشقے کیریئر کے آغاز سے اب تک جاری ہیں لیکن اس کے باوجود بھی وہ شادی کا لڈو چکھنے سے قاصر رہے ہیں۔

دبنگ خان کے صف اول کی اداکاراؤں کے ساتھ معاشقے رہے ہیں جس میں سنگیتا بجلانی، ایشوریا رائے، کترینہ کیف اور دیگر شامل ہیں۔

لیکن اب حالیہ انٹرویو میں سلو میاں نہ شادی نہ کرنے کی وجہ اخراجات کو قرار دیا ہے۔

بھارتی میڈیا کے مطابق سلمان خان کا اپنے انٹرویو میں شادی کے سوال کے جواب میں کہنا تھا کہ آج شادی بڑی چیز بن گئی ہے اور شادی پر لاکھوں اور کروڑوں روپے خرچ ہوجاتے ہیں لیکن میں اتنے سب اخراجات نہیں کرسکتا اور یہی وجہ ہے کہ اب تک شادی نہیں کی ہے۔

سلو میاں نے شادی سے متعلق سوال کو ٹالنے کے لیے یہ جواب دیا ہے لیکن یہ بات طے ہے کہ وہ خود بھی شادی کرنے کے خواہشمند نہیں ہیں۔

یہ بھی پڑھیں

باتیں بنانا چھوڑیں اور ووٹ ڈال کر اپنا حق استعمال کریں، بشریٰ انصاری

پاکستان شوبز انڈسٹری کی سینیئر اداکارہ بشریٰ انصاری نے عوام سے ووٹ ڈالنے کی اپیل …