سیاہ فام سپر ہیروز فلم ’’بلیک پینتھر‘‘ کا منفرد اعزاز

نیویارک(شوبز ڈیسک/میڈیا92نیوز)سیاہ فام سپر ہیروز فلم ’ ’بلیک پینتھر‘‘ کا منفرد اعزاز ، فروری میں ریلیز ہونے والی فلموں میں پہلے ہی دن زیاد کمانے والی دوسری فلم بھی بن گئی۔خیال رہے کہ ’بلیک پینتھر‘ کو پاکستان سمیت دنیا بھر میں 16 فروری کو ریلیز کیا گیا تھا

اس فلم کو نمائش سے قبل ہی امریکا کی متعدد شوبز ویب سائٹس نے سپر ہٹ قرار دیا تھا۔’بلیک پینتھر‘ گزشتہ کئی سال میں ریلیز ہونے والی وہ پہلی فلم ہے، جسے نمائش کے لیے پیش کیے جانے سے قبل ہی فلمی ناقدین نے اسے 100 میں 97 تک نمبر دیے تھے، جب کہ بعض نشریاتی اداروں نے اسے 99 تک ریٹنگ بھی دی۔

ہدایت کار ریان کوگلر کی اس فلم کو اعزازحاصل ہے کہ اس میں پہلی بار سیاہ فام سپر ہیروز کو پیش کیا جارہا ہے اور ناقدین اس کی کہانی پر فدا ہوچکے ہیں۔فلم نے ریلیز کے پہلے ہی دن مقامی باکس آفس پر 2 کروڑ 50 لاکھ 20 ہزار امریکی ڈالرز(پاکستانی 2 ارب 50 کروڑ 20 لاکھ روپے سے زائد) کی کمائی کرکے منفرد اعزاز اپنے نام کرلیا۔فوربز کے مطابق ’بلیک پینتھر‘ ریلیز کی پہلی ہی رات ریکارڈ کمائی کے باعث وہ پہلی فلم بن گئی ہے، جس نے سب سے زیادہ کمائی کی۔

اس سے قبل 2016 میں ’ڈیڈ پول‘ پہلی ہی رات ایک کروڑ 20 لاکھ امریکی ڈالر کماکر سب سے نمایاں رہی تھی۔ساتھ ہی ’بلیک پینتھر‘ اب تک فروری میں ریلیز ہونے والی فلموں میں پہلے ہی دن سب سے زیاد کمانے والی دوسری فلم بھی بن گئی۔’بلیک پینتھر‘ سے قبل 2015 میں ریلیز ہونے والی ’ایج آف الٹرون‘ وہ واحد فلم ہے، جو ریلیز کے پہلے ہی دن 2 کروڑ 70 لاکھ ڈالر سے زائد کمانے میں کامیاب ہوئی۔

یہ بھی پڑھیں

باتیں بنانا چھوڑیں اور ووٹ ڈال کر اپنا حق استعمال کریں، بشریٰ انصاری

پاکستان شوبز انڈسٹری کی سینیئر اداکارہ بشریٰ انصاری نے عوام سے ووٹ ڈالنے کی اپیل …