بھارتی اداکار اعجاز خان منشیات کیس میں گرفتار

ممبئی (میڈیا92نیوز)بالی ووڈ کے معروف اداکار اعجاز خان کو ممبئی واپس آتے ہوئے ایئر پورٹ پر منشیات کیس میں گرفتار کر لیاہے ۔بھارتی میڈیا رپورٹ کے مطابق مشہور زمانہ متنازع بھارتی ریالٹی شو ’’بگ باس 7‘‘ کے سابقہ کھلاڑی و اداکار اعجاز خان کو نارکوٹس کنٹرول بیورو (این سی بی) نے منشیات کیس میں راجستھان سے ممبئی واپسی پر ایئرپورٹ سے گرفتار کرلیا۔
اعجاز خان پر الزام ہے کہ وہ بدنام زمانہ بٹاٹا گینگ کا حصہ ہیں اور اس گینگ کے سرغنہ منشیات فروش شاداب بٹاٹا کی گرفتاری کے بعد ہی اعجاز خان کے ملوث ہونے کا انکشاف ہوا ہے۔پولیس کا کہنا ہے کہ مختلف چھاپوں کے دوران بٹاٹا گروپ کے پاس سے دو کروڑ روپے سے زائد کی منشیات پکڑی گئی جب کہ اس دوران قیمتی گاڑیاں بھی قبضے میں لی گئیں۔ اعجاز خان کی گرفتاری کے بعد اندھیری اور لوکھنڈ والا میں اُن کے دیگر گھروں پر بھی چھاپے مارے گئے ہیں۔پولیس کا کہنا ہے کہ شاداب بٹاٹا اور اس کے والد فاروق بٹاٹا ممبئی میں منشیات کے سب سے بڑے سپلائر ہیں جن پر بالی ووڈ اداکاروں کو بھی منشیات سپلائی کرنے کا الزام ہے۔

یہ بھی پڑھیں

ٹی ٹوئنٹی سیریز؛ فخرزمان مڈل آرڈر میں بھی بیٹنگ کیلیے تیار

(میڈیا92نیوز) جنوبی افریقہ سے ٹی ٹوئنٹی سیریز میں فخرزمان مڈل آرڈر میں بھی بیٹنگ کیلیے …