لاہور پولیس کے سپیشل سکیورٹی یونٹ کی ٹریننگ کا آغاز

لاہور (میڈیا پاکستان) لاہور پولیس میں بننے والے سپیشل سکیورٹی یونٹ کی ٹریننگ کا آغاز کر دیا گیا۔ ایس ایس یو کے اہلکاروں کو ایلیٹ فورس اور کانٹر ٹیررازم ڈیپارٹمنٹ کے کمانڈوز سے جدید کورسز کروائے جا رہے ہیں۔ پولیس افسران کا کہنا ہے کہ ایس ایس یو کو مہمان کرکٹ ٹیم کی سیکورٹی پر بھی تعینات کیا جائے گا۔سی سی پی او لاہور کیپٹن (ر)امین وینس کے احکامات پر لاہور پولیس میں وی وی آئی پیز کے لیے ایک نیا سیکورٹی یونٹ بنایا گیا تھا جس میں ابتدائی طور پر ایک ہزار کے قیب اہلکاروں کو منتخب کیا گیا۔ سپیشل سیکورٹی یونٹ میں شامل اہلکاروں کی پولیس لائنز قلعہ گجر سنگھ میں ٹرینگ کا سلسلہ شروع کیا گیا ہے۔ اہلکاروں کا کہنا ہے کہ وہ پہلے بھی تربیت یافتہ ہیں لیکن جدید تربیتی کورس سے انکی صلاحیت مزید بہتر ہو گئی۔