لاہور: شہر کے مخلتف علاقوں میں فورسز کا سرچ آپریشن، 77 مشتبہ افراد گرفتار

لاہور (میڈیا پاکستان) سرچ آپریشن داتا دربار، فیصل ٹاؤن، کوٹ لکھپت، گارڈن ٹاؤن، گلشن اقبال، ریس کورس، سول لائنز اور نواں کوٹ کے علاقوں میں کیا گیا۔ دوران آپریشن شہریوں کی بائیو میٹرک تصدیق اور شناختی کوائف کی جانچ پڑتال کی گئی۔ اس موقع پر ہاسٹلوں، گیسٹ ہاؤسز، ہوٹلوں اور فلیٹس کی خصوصی چیکنگ کی گئی۔ شناختی کوائف کی عدم دستیابی پر 77 افراد کو حراست میں لے کر پوچھ گچھ کی جا رہی ہے۔ پولیس حکام کا کہنا ہے کہ سری لنکن کرکٹ ٹیم کی آمد کے پیش نظر مال روڈ سے ملحقہ آبادیوں کی کڑی نگرانی کا سلسلہ بھی جاری ہے۔