کراچی(نیٹ نیوز) سندھ بھر میں 7 روز کی بندش کے بعد کھلنے والے سی این جی اسٹیشنز آج رات سے دوبارہ بند رہیں گے۔
گزشتہ روز ہی سندھ کے شہریوں نے سی این جی 7 روز کے وقفے کے بعد ملنے پر سکھ کا سانس لیا تھا تاہم یہ سکھ وقتی طور کا ثابت ہوا، اب ایک مرتبہ پھر آج رات 8 بجے کے بعد دوبارہ سی این جی بند کردی جائے گی۔
سوئی سدرن کے مطابق سندھ میں سی این جی اسٹیشنز کو آج رات 8 بجے گیس کی فراہمی بند کردی جائے گی جس کے بعد منگل کی صبح 8 بجے دستیاب ہوگی۔
سی این جی کی بندش کے باعث پبلک ٹرانسپورٹ کرایوں میں اضافے سے شہریوں کی مشکلات میں اضافہ ہوجاتا ہے۔