(میڈیا 92 نیوز آن لائن)
اینٹی کرپشن کی قبضہ مافیا کے خلاف دو بڑی کاروائیاں، کروڑوں روپے مالیت کی ہزاروں کنال سرکاری اراضی واگزار کرا لی.
اس حوالے سے ڈی جی اینٹی کرپشن پنجاب کا کہنا تھا کہ ڈی جی خان کے علاقہ موضع راکھ کوٹلہ سے ایک ہزار کنال سرکاری زمین واگزار کرالی۔ اینٹی کرپشن نے پولیس کی بھاری نفری کے ساتھ قبضہ مافیا کے خلاف آپریشن کیا۔
انہوں نے مزید کہا کہ واگزار کرائی گئی زمین کی مالیت 16 کروڑ 25 لاکھ سے زائد ہے۔ قابضین سے تاوان کی وصولی کے لئے محکمہ مال کو ہدایات جاری کردی ہیں۔ دوسری کاروائی میں موضع کوٹلہ سیخانی سے دو کنال اٹھارہ مرلہ کمرشل اراضی واگزار کرا لی۔
واگزار کرائی گئی کمرشل اراضی کی قیمت ایک کروڑ سولہ لاکھ روپے ہے۔ پنجاب بھر میں قبضہ مافیا کے خلاف بلاامتیاز کریک ڈاؤن جاری ہے۔