ڈی جی نیب لاہور کی ڈگری جعلی ہونے کی خبریں بے بنیاد ہیں: ترجمان نیب

لاہور (میڈیا پاکستان) مفاد پرست عناصر کا جھوٹا پروپگنڈا بے نقاب ہو گیا۔ ڈی جی نیب لاہور پر جعلی ڈگری کے الزامات غلط ثابت ہو گئے۔ نیب کے ترجمان نے ڈی جی نیب لاہور شہزاد سلیم کی ڈگری جاری کرتے ہوئے واضح کیا ہے کہ یہ سند 2002ءمیں الخیر یونیورسٹی سے جاری کی گئی۔ 2015ءمیں ہائر ایجوکیشن کمیشن نے باضابطہ طور پر شہزاد سلیم کی ڈگری اصلی ہونے کی تصدیق کی۔ترجما ن کے مطابق بعض عناصر ایسے ہتھکنڈوں سے ڈی جی نیب کو دبائو میں لانے کی کوشش کر رہے ہیں لیکن وہ ایمانداری سے اپنے فرائض انجام دے رہے ہیں۔ ڈی جی نیب لاہور شہزاد سلیم نے لندن فلیٹس ریفرنس تیار کیا تھا اور شریف خاندان کی ٹرسٹ ڈیڈ کو جعلی قرار دیا تھا۔