افغان سرحد سے ایک بار پھر دراندازی، پاک فوج کا صوبیدار شہید

راولپنڈی(میڈیا پاکستان) افغان دہشتگردوں نے ایک بار پھر پاکستانی علاقے میں واقع سرحدی چیک پوسٹ پر فائرنگ کی جس کے نتیجے میں پاک فوج کا نائب صوبیدار شہید ہو گیا۔پاک فوج کے شعبہ تعلقات عامہ (آئی ایس پی آر) کے مطابق افغانستان کی جانب سے شرپسندوں نے حال ہی میں پاک فوج کی جانب سے دہشت گردوں سے پاک کی گئی وادی راجگال کے درہ موسٹل میں پاکستانی چیک پوسٹ پر فائرنگ کی۔ افغان دہشت گردوں کی فائرنگ سے پاک فوج کے نائب صوبیدار اظہر علی شہید ہوئے جن کی نماز جنازہ پشاور گیریژن میں ادا کر دی گئی ہے۔ نائب صوبیدار اظہر علی کا جسد خاکی ان کے آبائی علاقے میں لے جایا جائے گا جہاں شہید کو پورے فوجی اعزاز کے ساتھ سپرد خا ک کیا جائے گا۔
واضح رہے کہ چند روز قبل بھی افغانستان کی جانب سے دہشتگردوں نے پاکستانی چیک پوسٹ پر فائرنگ کی جس کے نتیجے میں پاک فوج کے لیفٹیننٹ ارسلان شہید ہو گئے تھے۔ پاکستان کی جانب سے بارہا افغان حکام کو باور کرایا جا چکا ہے کہ سرحد پار سے دہشت گرد پاکستانی چیک پوسٹوں کو نشانہ بنا رہے ہیں لیکن اس کے باوجود افغان حکام کی جانب سے خاطر خواہ اقدامات نہیں اٹھائے جا رہے۔

یہ بھی پڑھیں

پاکستان اور نیوزی لینڈ کے درمیان پہلا ٹیسٹ ڈرا ہوگیا

 کراچی: پاکستان اور نیوزی لینڈ کے درمیان دو میچوں پر مشتمل سیریز کا پہلا ٹیسٹ میچ …