پاک فوج کے تعاون سے سرحدی علاقے میں بجلی فراہمی کا آغاز

جنوبی وزیرستان(نیٹ نیوز)
پاک فوج کے تعاون سے جنوبی وزیرستان میں پاک افغان سرحدی علاقے بدر گیگا خیل میں بجلی فراہم کر دی گئی، ابتدائی طور پر 100 گھروں میں بجلی مہیا کی جارہی ہے۔

بجلی پاور پلانٹ کا افتتاح کانی گرم کےڈپٹی کمانڈر کرنل علی جعفری نے کیا، پاک فوج کےتعاد ن سے ہائیڈرو پاور پلانٹ کے ذریعے ابتدائی طور پر 100 گھروں کو بجلی فراہم کی جائے گی۔

کرنل علی جعفری کاکہناہےکہ قیام امن کےبعد بجلی کےمنصوبو ں کےعلاوہ علاقے میں تعلیم، صحت اور دیگر ترقیاتی کام بھی جاری ہیں ۔

قبائل کا کہنا ہے کہ دور دراز علاقے میں بجلی کی فراہمی ناممکن تھی لیکن پاک فوج نے ناممکن کو ممکن کر دیکھایا۔