پی ٹی آئی رہنما عارف علوی کے خلاف فرد جرم عائد کر دی گئی

کراچی (میڈیا پاکستان)کراچی کی سیشن عدالت نے کار سرکار میں مداخلت اور جان سے مارنے کی دھمکیوں کے مقدمے میں پی ٹی آئی رہنما رکن قومی اسمبلی عارف علوی(arif alvi) پر فرد جرم عائد کر دی۔
تفصیلات کے مطابق پی ٹی آئی رہنما رکن قومی اسمبلی عارف علوی پر فرد جرم عائد کر دی ہے ، ملزم کے فرد جرم سے انکارپر آئندہ سماعت پر گواہ طلب کر لئے گئے۔
عدالت نے عارف علوی کی عبوری ضانت میں توثیق بھی کردی گئی ، عدالت نے عارف علوی کی 10 ہزار روپے کے عوض ضمانت منظور کی تھی ، عارف علوی کیخلاف ساحل تھانہ میں مقدمہ درج ہے۔
پی ٹی آئی رہنما عارف علوی اور دیگر پر کنٹونمنٹ بورڈ کلفٹن پر پانی کی عدم فراہمی پر احتجاج کے دوران ہنگامہ آرائی پر مقدمہ قائم کیا گیا تھا۔