دنیا کا سب سے بڑا مجسمہ سمندر کے اندر


(میڈیا92نیوز) دنیا کا سب سے بڑا مجسمہ سمندر کے اندر تیار ہوگیا .
آپ نے زمین پر بنائے جانے والے بڑے بڑے طویل القامت اور طویل الجثہ مجسمے تو دیکھیں ہوں گے تاہم اب سمندر کے اندر بھی ایسا ہی دنیا کا سب سے بڑا حیران کن مجسمہ بنا دیا گیا ہے۔

ایک برطانوی مجسمہ ساز جیسن ٹیلر کا بنایا جانے والا یہ مجسمہ ایک لڑکی کا ہے جو اس انداز سے بیٹھی ہے جیسے سمندر کا سارا بوجھ اس کے کندھوں پر ہو۔
اس مجسمے کا وزن 60 ٹن جبکہ اونچائی 18 فٹ ہے۔ اس کو بہاماز جزائر کے قریب پانی میں نصب کیا گیا ہے۔
جیسن ٹیلر نے اس سے قبل بھی زیر آب کئی مجسمے بنائے ہیں۔
دنیا کے سب سے بڑے زیر آب بنائے جانے والے اس مجسمے کی سب سے حیران کن بات یہ ہے کہ اسے ایسے ماحول دوست مٹیریل سے بنایا گیا ہے جس کے باعث کچھ عرصے بعد اس پر خودرو پودے اگ آئیں گے اور یہ ایک مصنوعی مونگے کی چٹان یعنی کورل ریف کی شکل اختیار کر جائے گی۔

یہ بھی پڑھیں

عام انٹرنیٹ سے 45 لاکھ گُنا تیز انٹرنیٹ

برمنگھم: سائنس دانوں نے انٹرنیٹ اسپیڈ کا نیا ورلڈ ریکارڈ قائم کیا ہے جو موجودہ براڈ …