مریم نواز کاٹوئٹس

لاہور: (میڈیا 92نیوز) مریم نواز کاٹوئٹس
احتساب عدالت نے ایون فیلڈ ریفرنس میں سابق وزیراعظم نواز شریف کو10 سال اور ان کی صاحبزادی مریم نواز کو7 سال کی سزا سنا دی، فیصلے پر تبصرہ کرتے ہوئے مریم نواز نے کہا کہ پاکستان میں 70 سال سے سرگرم نادیدہ قووتوں کے سامنے ڈٹ جانے کی یہ سزا بہت چھوٹی ہے۔ آج ظلم کے خلاف لڑنے کا حوصلہ اور بلند ہو گیا۔
مریم نواز کا سماجی رابطے کی ویب سائٹ پر جاری اپنے پیغام میں کہنا تھا شاباش نواز شریف! آپ ڈرے نہیں، آپ جھکے نہیں۔ آپ نے ذاتی زندگی پر پاکستان کو ترجیح دی۔عوام آپ کے ساتھ کھڑی ہے۔ فتح آپ کی ہو گی۔ مریم نواز کا مزید کہنا تھا کہ نواز شریف آ رہا ہے۔ تبھی تو اس کو روکنے کی سر توڑ کوششیں کی جا رہی۔ آج آخری کوشش تھی۔ انشاءاللہ پہلے کی طرح ناکامی ہو گی۔ فیصلے اللہ کے چلتے ہیں۔ سازشیوں کے نہیں۔
احتساب عدالت کا فیصلہ آنے سے قبل بھی مریم نواز نے ٹوئٹس کیں جن میں نواز شریف کی صاحبزادی کا کہنا تھا کہ فیصلہ تو 25 جولائی کو ہونا ہے، مقابلہ جمہوریت کی آستین میں چھپے سانپوں سے ہے، جنھوں نے ووٹ کی حرمت پامال کرنے کا کوئی موقع ہاتھ سے جانے نہ دیا اور سازشوں میں ملوث رہے، نواز شریف کے لیے یہ سب نیا نہیں۔وہ پہلےبھی نااہلی عمر قیدجیل جلاوطنی بھگت چکے
پاکستان میں 70 سال سے سرگرم نادیدہ قووتوں کے سامنے ڈٹ جانے کی یہ سزا بہت چھوٹی ہے۔ آج ظلم کے خلاف لڑنے کا حوصلہ اور بلند ہو گیا۔
یاد رہے کہ احتساب عدالت نے ایون فیلڈ ریفرنس میں سابق وزیراعظم نواز شریف کو 10 سال، ان کی صاحبزادی مریم نواز کو 7 سال اور کیپٹن (ر) صفدر کو ایک سال قید کی سزا سنا دی۔ احتساب عدالت کے جج محمد بشیر نے فیصلے میں نوازشریف کو 80 لاکھ پاؤنڈ اور مریم نواز کو 20 لاکھ پاؤنڈ جرمانہ بھی کیا ہے جب کہ ایون فیلڈ اپارٹمنٹس کو ضبط کرنے کا بھی حکم دیاہے۔

یہ بھی پڑھیں

جینیات سے وابستہ تناؤ ہارٹ اٹیک کا خطرہ زیادہ بڑھا دیتا ہے

بوسٹن: حال ہی میں ہونے والے ایک مطالعے سے پتہ چلا ہے کہ جینیاتی طور پر …