کراچی کی بس آسٹریلیا میں

لاہور(میڈیا 92نیوز)کراچی کی بس آسٹریلیا میں
کراچی کی معروف سجی سجائی بس ڈبلیو گیارہ کو آسٹریلیا کے شہر میلبورن کے میوزیم میں رکھ دیا گیا۔
ڈبلیو 11 کی طرز پر بنائی گئی یہ بس دراصل میلبورن کی سڑکوں پر دوڑتی ٹرام تھی جو 1978 سے فعال تھی۔ 28 سال تک مسافروں کو ان کی منزل پر پہنچانے کے بعد اس بس کو 2006 میں ریٹائرڈ کردیا گیا۔اب اس بس کو مرمت اور رنگ و روغن کے بعد بحال کر کے میوزیم میں رکھا گیا ہے ۔ بس پر کام کرنے والے کاریگر واجد علی اور ان کی ٹیم نے دن رات اس کی تزئین و آرائش پر محنت کی۔اس بس کو پہلی بار آسٹریلیا اس وقت لایا گیا جب میلبورن پہلی بار دولت مشترکہ کے کھیلوں کی میزبانی کر رہا تھا۔رپورٹ کے مطابق بس کے اولین مسافروں کو ٹکٹ کے طور پر ایک یادگاری کارڈ دیا گیا تھا جس پر ٹرکوں پر کی جانے والی شاعری درج کی گئی تھی بس کے کاریگر واجد علی کے مطابق پاکستان سے آنے والی ڈبلیو گیارہ بس ثقافت، محبت کے اظہار اور امن کی علامت بن گئی ہے،ان کے مطابق یہ بس خاص موقع پر شہرکا چکر بھی لگاتی ہے جس میں سیاحوں کی بہت بڑی تعداد سفرکرتی ہے۔

یہ بھی پڑھیں

محکمہ ٹرانسپورٹ پنجاب کا روڈا اور سی بی ڈی پنجاب میں سفری سہولیات کے لئے نئے نظام کی تشکیل کا فیصلہ

محکمہ ٹرانسپورٹ پنجاب نے عصر حاضر کے تقاضوں کو مد نظر رکھتے ہوئے روڈا اور …