تحریک انصاف کو پاکستان مسلم لیگ ن پر برتری

نارووال(میڈیا92نیوز) تحریک انصاف کو پاکستان مسلم لیگ ن پر برتری
این اے 78میں سابق وزفاقی وزیر داخلہ احسن اقبال فتح یاب ہوں گے یا پاکستان تحریک انصاف کے ابرار الحق کا طوطی بولے گا،عوام نے فیصلہ سنادیا۔ سروے کے مطابق تحریک انصاف کو پاکستان مسلم لیگ ن پر برتری حاصل ہے۔تفصیلات کے مطابق پاکستان میں اس وقت ہر جگہ الیکشن کے چرچے ہیں۔ایک جانب عوام الیکشن 2018 کے انتخابات پر نظریں لگائے بیٹھے ہیں تو دوسری جانب سیاسی پنڈت بھی اس الیکشن کو پاکستان کی پارلیمانی سیاست کا اہم سنگ میل قرار دے رہے ہیں۔
اس کی سب سے بڑی وجہ یہ ہے کہ پاکستان کی تاریخ میں پہلی بار مسلسل تیسری مرتبہ انتقال اقتدار کا مرحلہ جمہوری طریقے سے آگے بڑھ رہا ہے۔۔الیکشن تو 25 جولائی کو ہی انعقاد پذیر ہوں گے مگر انتخابی معرکے کا زور کس کے سر رہے گا اس پر چہ میگوئیاں ابھی سے شروع ہو چکی ہیں۔
ہر سیاسی پہلوان اپنے مخالف کو سیاسی میدان میں شکست دینے کے لیے بیتاب ہوچکا ہے۔
اس حوالے سے مختلف حلقوں میں سروے بھی کروائے جارہے ہیں۔اہم ترین حلقوں میں ہونے والے سروے انتخابات کے نتائج کے حوالے سے ایک عمومی اندازہ بھی پیش کررہے ہیں جس سے صورتحال واضح ہو رہی ہے کہ کس علاقے میں کس امیدوار کی سیاسی ساکھ زیادہ تگڑی ہے۔اس حوالے سے اہم ترین حلقے این اے 78 ناروال میں کئیے گئے سروے نے سیاسی پنڈتوں میں ہلچل پیدا کردی ہے۔
نجی ٹی وی کے اینکر نے سروے کرنے کے بعد اس پر نتیجہ دیتے ہوئے بتایا کہ اس حلقے میں مسلم لیگ ن اور پاکستان تحریک انصاف کی انتخابی لڑائی بہت قریب رہے گی۔اس حلقے میں سروے کے بعد جو نتائج امنے آئے ہیں اس کے مطابق پاکستان تحریک انصاف کو معمولی برتری حاصل ہے اور مسلم لیگ ن کے امیدوار اور سابق وفاقی وزیر احسن اقبال کو شکست ہو سکتی ہے۔انکا کہنا تھا کہ یہ اب تک کی صورتحال کے مطابق ہے تاہم اب الیکشن میں کچھ وقت باقی ہے اور اصل صورتحال تو 25جولائی کو ہی سامنے آئے گی۔