الیکشن کمیشن نے عمران خان کو طلب کرلیا

(میڈیا92نیوز) الیکشن کمیشن نے عمران خان کو طلب کرلیا گیا.
الیکشن کمیشن نے پارٹی ٹکٹ کے امیدواروں سے بیان حلفی لینے کے خلاف دائر درخواستوں پر تحریک انصاف کے چیئرمین عمران خان کو 4 جولائی کو طلب کر لیا۔
چیف الیکشن کمشنر کی سربراہی میں پانچ رکنی کمیشن نے پی ٹی آئی کی ٹکٹ کی درخواست دینے والوں سے بیان حلفی لینے کے معاملے پرملک محمد منیر اور راؤ وقاص ارشاد کی درخواست پر سماعت کی۔
درخواست گزار کے وکیل نے کہا کہ تحریک انصاف نے امیدواروں سے غیر قانونی بیان حلفی لیا، ممبر پنجاب الطاف ابراہیم قریشی نے پوچھا کیا ایسے بیان حلفی دیگر جماعتوں نے بھی لیے ہیں، سیاسی جماعت کا ٹکٹ اس کی شرائط پر ہی ملتا ہے۔
درخواست گزار کا موقف تھاکہ سیاسی جماعت کسی کو آزاد حیثیت میں الیکشن لڑنے سے نہیں روک سکتی۔
الیکشن کمیشن نے درخواست پر چیئرمین تحریک انصاف عمران خان کو نوٹس جاری کر تے ہوئے سماعت 4 جولائی تک ملتوی کردی۔