اسلام آباد(میڈیا 92نیوز) تحریک انصاف کی جانب سے جاری کردہ امیدواروں کی فہرست میں چوہدری محمد الیاس اور محمد زبیر کے نام خارج ہیں۔ پی ٹی آئی نے گجرات کے حلقہ این اے 71 سے چوہدری محمد الیاس اور صوبائی اسمبلی کی نشست پی پی 28سے محمد زبیر کو ٹکٹ جاری کیا گیا تھا جو واپس لے لیا گیا۔ چوہدری محمد الیاس تحریک انصاف کے سابق ضلعی صدر رہ چکے ہیں اور وہ 2013ء کے عام انتخابات میں پارٹی کے امیدوار بھی تھے۔ یاد رہے کہ اس سے قبل کارکنان کے شدید احتجاج پر تحریک انصاف کی قیادت ن ملتان کے حلقہ این اے 157سے سکندر بوسن کو جاری کردہ ٹکٹ واپس لیل یا تھا۔سکندر بوسن حال ہی میں مسلم لیگ (ن) چھوڑ کر تحریک انصاف میں شامل ہوئے ہیں جنہیں ملتان سے پارٹی ٹکٹ دیا گیا تھا جس پر کارکنان نے عمران خان کی رہائش گاہ کے باہر شدید احتجاج کیا۔ پی ٹی آئی کارکنان کا مؤقف تھا کہ سکندر بوسن پارٹی سے مخلص نہیں اور وہ جماعتیں بدلتے رہتے ہیں، اس لئے انہیں ٹکٹ جاری کر کے مقامی قیادت کی حق تلفی کی گئی۔ واضح رہے کہ 25جولائی کو ہونے والے عام انتخابات کے لئے تیاریاں آخری مراحل میں داخل ہو چکی ہیں اور سیاسی جماعتو ں نے باقاعدہ انتخابی مہم کاب ھی آغاز کر دیا ہے۔
