ٹرمپ میں ہمت ہے تو پاکستان میں فوج اتار کر دیکهائے افغانستان تو سنبهال نہیں سکے،زرداری

لاہور (میڈیا پاکستان): سابق صدر آصف علی زرداری نے کہا ہے کہ ٹرمپ ہمیں آنکھیں مت دیکھائے جنگ کرنی ہے تو افغانستان سے کرے۔ بلاول بولے آصف زرداری نے ہی امریکیوں سے سلالہ ایئر بیس خالی کروائی۔
سابق صدر آصف علی زرداری اور چیئرمین بلاول بھٹو کہ زیر صدارت اجلاس میں جیالوں سے خطاب کرتے ہوئے آصف علی زرداری نے کہا کہ نواز شریف کے اعمال کی وجہ سے آج امریکی صدر آنکهیں دکها رہا ہے۔ ٹرمپ میں ہمت ہے تو پاکستان میں فوج اتار کر دیکهائے افغانستان تو سنبهال نہیں سکے، امریکہ کے پاس کونا رہ گیا ہے باقی پر طالبان قابض ہیں۔ امریکہ نے مفت میں ہمارے روڈ استعال کر کے تباہ کر دیئے۔ ہمیں موقعہ ملا تو امریکہ سے ایک ایک پائی کا حساب لیں گے۔
آصف زرداری نے مزید کہا کہ جمہوریت کی خاطر نواز شریف کا ساتھ بهی دیا نواز شریف کے اپنے اعمال اچهے نہیں تهے کہ پانچ سال پورے کرے۔
بلاول بھٹو نے این اے 120 کے الیکشن کو پارٹی الیکشن قرار دیتے ہوئے کہا کہ فیصل میر پیپلزپارٹی کے امیدوار ہیں، ان کی ہر ممکن حمایت کی جائے، کارکن این اے 120 میں جیت کے لیے پوری جان لگا دیں۔
انہون نے مزید کہا کہ صرف پیپلزپارٹی ہی امریکی صدر کی آنکھوں میں آنکھیں ڈال کر بات کر سکتی ہے، آصف زرداری نے کبھی امریکی دباؤ قبول نہیں کیا۔ سابق صدر آصف علی زرداری نے کارکنوں کو ہدایت کی کہ این اے 120 کے الیکشن کو پارٹی اور کارکنوں کا الیکشن سمجھتے ہوئے بھرپور حصہ لیا جائے۔