ریکھا نے آئیفا ایوارڈز میں ’سلام عشق‘ پر رقص کرکے محفل لوٹ لی

بنکاک:(شوبز ڈیسک/میڈیا92نیوز) بالی ووڈ کی دلکش اداکارہ ریکھا نے 20 سال بعد آئیفا ایوارڈزمیں ’سلام عشق اور’پیارکیا تو ڈرنا کیا‘ گانے پررقص کرکے محفل لوٹ لی۔

And it’s a wrap! #IIFA2018 has been a magical weekend with all our amazing stars.

A post shared by IIFA Awards (@iifa) on Jun 24, 2018 at 9:17pm PDT

بھارتی میڈیا رپورٹس کے مطابق 19 ویں آئیفا ایوارڈز 2018 کا میلہ بینکاک میں سجا جہاں بالی ووڈ ستاروں نے شرکت کرکے ایوارڈز کی تقریب کو چار چاند لگادیئے۔

تقریب کا مزہ تب دوبالا ہوا جب بالی ووڈ اداکارہ ریکھا نے 1978 میں ریلیز ہونے والی اپنی فلم ’مقدر کا سکندر‘ کے مشہورگانے ’سلام عشق‘ پر ایک بار پھر رقص کیا جو دیکھنے دکھانے والا تھا۔

The very evergreen #Rekha ji performed at the IIFA stage after 20 long years and we couldn't be more honoured to have her. . #IIFA2018

A post shared by IIFA Awards (@iifa) on Jun 24, 2018 at 12:59pm PDT

اداکارہ جیسے ہی اسٹیج پر آئیں تو وہاں موجود تقریب کے شرکا نے شور مچانا شروع کردیا جب کہ اداکارہ کی جانب سے 20 سال بعد ایسی پرفارمنس سے سب خوب محظوظ ہوئے۔

ریکھا کی جانب سے 1960 میں ریلیزہونے والی فلم ’مغل اعظم‘ فلم کے مشہورومعروف گانے ’پیارکیا تو ڈرنا کیا‘ پر بھی عمدہ رقص کیا گیا۔

ایوارڈز کی تقریب میں ارجن کپور، ورن دھون، آیوشمان کھرانا، کریتی سنون اورشردھا کپورنے بھی اپنی پرفارمسز سے دیکھنے والوں کو خوب محظوظ کیا۔