کراچی:(شوبز ڈیسک/میڈیا92نیوز) پاکستان تحریک انصاف کے چیئرمین عمران خان کی سابق اہلیہ ریحام خان اور حمزہ علی عباسی کے درمیان چل رہی جنگ میں اداکارہ ماہرہ خان بھی کود پڑیں۔
ریحام خان اور حمزہ علی عباسی کے درمیان چل رہی جنگ روز بروز مزید شدت اختیار کرتی جارہی ہے اور اب ماہرہ خان بھی اس معاملے پر خود کو بولنے سے نہ روک سکیں۔ ریحام خان اور حمزہ علی عباسی کے درمیان جھگڑے کاآغاز ریحام خان کی کتاب سے ہواجو ابھی شائع بھی نہیں ہوئی ہے۔ ریحام خان اپنی کتاب الیکشن سے قبل شائع کرنے کا ارادہ رکھتی ہیں۔ تاہم کتاب شائع ہونے سے قبل ہی حمزہ علی عباسی نے ریحام خان کوآڑے ہاتھوں لیتے ہوئے کہا کہ انہوں نے کتاب کا مسودہ پڑھا ہے جس کا لب لباب یہ ہے کہ عمران خان دنیا کاسب سے برا شخص اور ریحام خان سب سے تہجد گزار خاتون ہیں۔ کتاب کے حوالے سےروز بروز نئے نئے انکشافات سامنے آرہے ہیں جب کہ پی ٹی آئی رہنماؤں کی جانب سے ریحام خان کی کتاب کو حقائق کے برخلاف قرار دے کر اس کی اشاعت پر پابندی لگانے کا مطالبہ بھی کیا جارہا ہے۔
گزشتہ روز ریحام خان کی کتاب کے حوالے سے پی ٹی آئی چیئرمین عمران خان کی سابق اہلیہ جمائما گولڈ اسمتھ کا بھی ٹوئٹ سامنے آیا تھا جس میں انہوں نے کہا تھا کہ ریحام خان کی کتاب برطانیہ میں شائع ہونے کے قابل نہیں ہے، تاہم اگر کتاب شائع ہوئی تو وہ ریحام خان کے خلاف نا صرف عدالت جائیں گی بلکہ اپنے نوجوان بیٹے کے توسط سے ہتک عزت کا دعویٰ بھی دائر کریں گی۔
https://twitter.com/Jemima_Khan/status/1004361143048163329
جمائما گولڈ اسمتھ کے ٹوئٹ پر حمزہ علی عباسی نے ردعمل ظاہر کرتے ہوئے کہا کہ ’’یہ دنیاگلالئی اور ریحام خان سے بھری ہوئی ہے،انہوں نے ریحام اورگلالئی جیسی خواتین کو مشورہ دیتے ہوئے کہا کہ جمائما خان کی طرح بنیں۔‘‘
https://twitter.com/iamhamzaabbasi/status/1004348617765814272
صرف حمزہ علی عباسی نہیں تھے جنہوں نے جمائما کے ٹویٹ پر ردعمل کا اظہار کیا بلکہ پاکستان کی نامور اداکارہ ماہرہ خان بھی خاموش نہ رہ سکیں۔ اپنے ٹوئٹ میں ماہرہ خان نے جمائمہ کے کردار کی تعریف کرتے ہوئے کہا ہے’’ کس طرح جمائما خان کی طرح بناجاسکتا ہے، انہیں وقت نے خواتین و مردوں کے لیے ایک خوبصورت مثال بنایا ہے۔‘‘
How about – just be like @Jemima_Khan. Period. Sets a pretty good example for men and women both. https://t.co/kPKN7FD9it
— Mahira Khan (@TheMahiraKhan) June 6, 2018
