آشیانہ ہاؤسنگ اسکینڈل؛ وزیراعظم کے پرنسپل سیکریٹری فواد حسن نیب میں پیش

وزیراعظم کے پرنسپل سیکریٹری فواد حسن فواد آشیانہ ہاؤسنگ اسکینڈل سے متعلق پوچھ گچھ کے لیے نیب کے سامنے پیش ہوگئے۔

میڈیا 92 نیوزویب کے مطابق لاہور میں نیب کی مشترکہ تفتیشی ٹیم نے فواد حسن فواد سے ایک گھنٹے تک پوچھ گچھ کی، تفتیش کے دوران فواد حسن فواد نے کئی دستاویزات پیش کیں جب کہ نیب کی ٹیم نے ان سے آشیانہ ہاؤسنگ اسکیم اسکینڈل میں احد چیمہ سے ملنے والے شواہد کی بنیاد پر کئی سوالات پوچھے، نیب ٹیم نے دئیے گئے سوال نامہ کے جوابات طلب کرتے ہوئے بیان ریکارڈ کیا اور آشیانہ ہاؤسنگ سوسائٹی میں بے ضابطگیوں اور آمدنی سے زائد اثاثے بنانےکی تحقیقات کرتے ہوئے مطلوب ریکارڈ بھی طلب کیا۔ نیب کی مشترکہ تفتیشی ٹیم نے فواد حسن فواد کو نامکمل ریکارڈ جمع کرانے کی صورت میں آئندہ مکمل ریکارڈجمع کرانے ہدایت کی۔

واضح رہے کہ نیب لاہور نے آشیانہ اقبال ہاؤسنگ اسکیم میں اختیارات کے ناجائز استعمال کے الزام کی تفتیش کے لیے وزیراعظم کے پرنسپل سیکریٹری فواد حسن فواد کو طلب کیا تھا۔

یہ بھی پڑھیں

محکمہ ٹرانسپورٹ پنجاب کا روڈا اور سی بی ڈی پنجاب میں سفری سہولیات کے لئے نئے نظام کی تشکیل کا فیصلہ

محکمہ ٹرانسپورٹ پنجاب نے عصر حاضر کے تقاضوں کو مد نظر رکھتے ہوئے روڈا اور …