پنجاب بھر میں میڈیکل سٹورز مالکان کی ہڑتال..

پنجاب ڈرگ ایکٹ 2017ء کےخلاف صوبے کے مختلف شہروں کے میڈیکل سٹورز مالکان کی ہڑتال جاری ہے۔ پنجاب ڈرگ ایکٹ 2017 کے خلاف لاہور، ملتان، حافظ آباد، کمالیہ، ٹوبہ ٹیک سنگھ، راجن پور، جہانیاں، بھکر اور گوجرانوالہ سمیت مختلف ضلعوں میں میڈیکل سٹورز بند ہیں۔
میڈیکل سٹورز مالکان کی جانب سے کی جانے والی ہڑتال کے باعث مریضوں کو ادویات کے حصول میں شدید مشکلات کا سامنا ہے۔
یاد رہے کہ ڈرگ ایکٹ 2017ء کے تحت میڈیکل سٹور میں ہر وقت ایک ماہر فارماسسٹ کی موجود گی لازمی قرار دی گئی ہے اور میڈیکل سٹور میں گندگی پر بھی سزا ہو گی۔
نئے ایکٹ کے تحت جعلی ادویات بنانے والوں کے خلاف سزاؤں میں اضافہ کیا گیا ہے اور بغیر لائسنس ادویات بنانے یا فروخت کرنے والوں کو 3 سے 10 سال تک قید کی سزا ہوگی جبکہ 5 کروڑ روپے تک جرمانہ عائد کیا جاسکے گا۔