لاہوریئے ہوا میں سفر کرنے کیلئے ہوجائیں تیار، دھماکہ دار خبر آگئی

(میڈیا پاکستان ): اب لاہوریئے ہوا میں سفر کریں گے، غیر ملکی کمپنی نے لاہور کیبل کار منصوبے پر دو تجاویز تیار کرلیں، موٹرویز کی طرز پر منصوبے کو ” روپ ویز” کا نام دے دیا گیا۔
پنجاب حکومت کی جانب سے لاہور میں کیبل کار چلانے کا منصوبہ بنایا گیا ہے جس کی باقاعدہ منظوری وزیراعلی پنجاب کی جانب سے دی جا چکی ہے، ذرائع کے مطابق منصوبے کے حوالے غیر ملکی کمپنی کی جانب سے دو تجاویز تیار کی گئی ہیں جن کو منظوری کے لئے وزیراعلی پنجاب کو بھجوایا جائے گا۔
تجویز کے مطابق لاہور میں تین اور مری میں ایک ٹریک پر کیبل کار چلانے کا عندیہ دیا گیا ہے، لاہور میں کینال روڈ، شاہدرہ سے بارہ دری تک ٹریک کو بہتر قرار دیا گیا ہے جبکہ تیسرے ٹریک کو فزیبلٹی رپورٹ کے بعد حتمی شکل دی جائے گی، مری سے پنڈی پوائنٹ تک ٹریک چلانے کا عندیہ دیا گیا۔
ذرائع کے مطابق غیر ملکی کمپنی کی جانب سے لاہور کیبل کار منصوبے کے تینوں ٹریکس کے لئے فزیبلٹی رپورٹ پر اصرار کیا گیا ہے، کمپنی کے مطابق فزیبلٹی رپورٹس سے قبل لاہور میں کام شروع نہیں کیا جا سکتا تاہم مری میں 2018 میں کام کا آغاز کیا جاسکتا ہے۔دونوں منصوبوں کی تکمیل میں تین سے چار سال لگ سکتے ہیں۔
ذرائع کے مطابق کمپنی کی جانب سے دی جانی والی دونوں تجاویز وزیر اعلی ٰپنجاب کو پیش کی جائیں گی، وزیراعلی کی ہدایت کی روشنی میں دونوں میں سے کسی ایک منصوبے پر کام شروع کیا جائے گا۔

یہ بھی پڑھیں

پاکستان اور نیوزی لینڈ کے درمیان پہلا ٹیسٹ ڈرا ہوگیا

 کراچی: پاکستان اور نیوزی لینڈ کے درمیان دو میچوں پر مشتمل سیریز کا پہلا ٹیسٹ میچ …