مسلم لیگ (ن) کا مشاورتی اجلاس، مختلف امورزیرغور

اسلام آباد(میڈیا نائن ٹو ڈاٹ ٹی وی) پنجاب ہاؤس میں مسلم لیگ (ن) کا غیررسمی مشاورتی اجلاس ہوا جس میں مختلف امور زیرغورآئے۔ذرائع کے مطابق پنجاب ہاؤس میں مسلم لیگ (ن) کا غیررسمی مشاورتی اجلاس ہوا، اجلاس میں وزیر داخلہ احسن اقبال، وزیر خارجہ خواجہ آصف، طارق فضل چوہدری، ڈاکٹر آصف کرمانی، پرویز رشید، مائزہ حمید، مصدق ملک اور دانیال عزیز شریک تھے۔
اجلاس میں نوازشریف کی لندن روانگی سے متعلق بھی بات چیت کی گئی، احتساب عدالت میں پیشی اورآئندہ کی سیاسی وقانونی حکمت عملی پرغورکیا گیا، حلقہ بندیوں سے متعلق آئینی ترمیم بل اورسیاسی حکمت عملی پرمشاورت سمیت احسن اقبال نے فیض آباد دھرنا اور مذاکراتی عمل پرنوازشریف کو بریفنگ دی۔
واضح رہے کہ احتساب عدالت نے سابق وزیراعظم نوازشریف کی جانب سے دائر کی گئی آج کی سماعت ملتوی کرنے کی درخواست منظورکرلی ہے جب کہ سماعت 4 دسمبر تک ملتوی کردی گئی ہے۔