دنیا بھر میں سیاحوں کے پسندیدہ ترین شہر،پہلے نمبرپر کون؟تازہ ترین اعداد و شمار جاری

واشنگٹن(M92)دنیا بھر میں سب سے زیادہ سیاح ہانگ کانگ میں آتے ہیں،غیرملکی خبررساں ادارے کے مطابق سو شہروں سے متعلق ایشین ٹورازم ریسرچ رپورٹ میں بتایاگیاکہ ہانگ کانگ سب سے زیادہ گھوما جانے والا شہر ہے، دنیا میں سیر سپاٹے کے شوقین افراد کی اکثریت لندن، پیرس یا نیویارک نہیں بلکہ ہانگ کانگ کا رخ کرتی ہے۔رواں سال کے آخر تک یہاں ڈھائی کروڑ سے زائد سیاحوں کی آمد متوقع ہے۔دنیا بھر میں ہانگ کانگ کو سیرکے لئے سب سے زیادہ پسند کیا جاتا ہے، کروڑوں لوگ ہر برس یہاں آتے ہیں، گزشتہ برس کی نسبت 2017ء میں3 فیصد کم سیاح یہاں آئے لیکن اس کے باوجود یہ تعداد سب سے زیادہ ہے۔ماہرین کے مطابق اگلے سال سے ہانگ کانگ آنے والوں کی تعداد میں اضافہ ہو گا اور 2025ء تک یہ تعداد بڑھ کر ساڑھے 4 کروڑ سے تجاوز کر جائے گی۔رپورٹ کے مطابق تھائی لینڈ اور لندن ہانگ کانگ کے بعد سب سے زیادہ وزٹ کئے جانے والے ممالک میں سرفہرست ہیں۔