کراچی ٹیسٹ میں جنوبی افریقا کی پاکستان کیخلاف بیٹنگ

کراچی: جنوبی افریقا کی پاکستان کے خلاف سیریز کے پہلے ٹیسٹ میں بیٹنگ جاری ہے۔
کراچی کے نیشنل اسٹیڈیم میں کھیلے جارہے سیریز کے پہلے میچ کا ٹاس جنوبی افریقا کے کپتان کوئنٹن ڈی کاک نے جیت کر خود بیٹنگ کرنے کا فیصلہ کیا ہے۔
مہمان ٹیم کی جانب سے ایڈم ماکرم اور ڈین ایلگر نے اننگز کا جارحانہ آغاز کیا تاہم شاہین آفریدی نے 30 کے مجموعی اسکور پر ایڈم کو واپس پویلین بھیج دیا وہ 13 رنز بناکر آؤٹ ہوئے جب کہ تیسرے نمبرپر بیٹنگ کے لیے آنے والے راسی وین ڈیر ڈوسن 17 رنز بنانے کے بعد رن آؤٹ ہوئے۔
قومی ٹیم کے کپتان بابراعظم پہلی بار ٹیسٹ ٹیم کی قیادت کریں گے وہ ٹیسٹ ٹیم کی قیادت کرنے والے پاکستان کے چھٹے کم عمرترین کپتان ہیں۔ اس سے قبل بابراعظم ان فٹ ہونے کی وجہ سے نیوزی لینڈ کے خلاف سیریز میں کوئی بھی میچ نہیں کھیل پائے تھے، ان کی جگہ ٹی ٹوئنٹی کی قیادت شاداب خان اور ٹیسٹ ٹیم کی قیادت محمد رضوان نے کی تھی۔
پاکستان کی جانب سے اوپننگ بلے باز عمران بٹ اور لیفٹ آرم اسپنر نعمان علی ڈیبیو کررہے ہیں جب کہ حسن علی کی بھی ٹیم میں واپسی ہوئی ہے۔ عمران بٹ کو بیٹنگ کوچ یونس خان اور نعمان علی کو لیگ اسپنر یاسر شاہ نے ٹیسٹ کیپ پہنائی۔
واضح رہے دونوں ٹیمیں کراچی میں اس سے قبل آخری بار 2007 میں مدمقابل آئی تھیں جس میں مہمان ٹیم 160 رنز سے سرخرو ہوئی تھی جب کہ سیریز کا دوسرا ٹیسٹ میچ لاہور میں ہوا تھا جو بغیر کسی نتیجے کے ختم ہوگیا تھا۔

یہ بھی پڑھیں

این اے 75 ڈسکہ :مسلم لیگ ن کے وکیل کا دوبارہ الیکشن کرانےکامطالبہ

اسلام آباد(نیوز ڈیسک)الیکشن کمیشن میں این اے 75 سے متعلق سماعت کے دوران مسلم لیگ …