پشاور(میڈیا92نیوز)صوبائی وزیر شوکت یوسفزئی نے کہاہے کہ حکومت نے پی ڈی ایم کوجلسے کی اجازت نہیں دی، جلسہ غیرقانونی ہے،پشاور کی عوام کو سیلوٹ پیش کرتا ہوں کہ آج پی ڈی ایم جلسے کومسترد کردیا۔
نجی ٹی وی ہم نیوز کے مطابق شوکت یوسفزئی کاکہناہے کہ پیپلزپارٹی سندھ میں لاک ڈاؤن کررہی ہے اور یہاں جلسے پر بضد ہے، کورونا پھیلا تو ان لیڈرز کےخلاف مقدمہ درج کریں گے،عوام ضروردیکھیں کہ ان لیڈروں کے کتنے بچے آج کے جلسے میں شریک ہوئے، ان کاکہناتھا کہ فضل الرحمان کو یقین دلاتا ہوں کہ وہ ساری زندگی اسمبلی نہیں آسکتے۔