دنیا کے آخری سفید زرافے پر جی پی ایس ٹیگ نصب

ینیا: (میڈیا92نیوز) دنیا میں اس وقت ایک ہی سفید زرافہ بچا ہے اور اس کی حفاظت کی غرض سے اس پر جی پی ایس ٹیگ لگادیا گیا ہے۔

کینیا میں اس سے قبل اس کی مادہ اور بچے کو اس سال مارچ میں ماردیا گیا تھا اس کے بعد یہ دنیا میں واحد سفید زرافہ بچا ہے۔ اس کے سینگ نما ابھار پر لگا جی پی ایس ٹیگ ہر گھنٹے بعد اس کی پوزیشن واضح کرتا ہے جس سے افسران کو اس کی موجودگی کے مقام کا اندازہ ہوجاتا ہے۔

زرافہ اس وقت مشرقی کینیا میں گریسا میں موجود ہے جس کی حرکات وسکنات پر نظر رکھی جاری ہے۔ یہاں رہنے والی برادری کا نام اسحاق بنی ہے جو اس کا خیال رکھتی ہے۔ اس برادری کے رکن احمد نور نے کہا کہ اس بار بارشوں سے سبزہ بڑھا ہے جو سفید اور نرزرافے کے لیے بہت کافی ہوگا۔ دوسری جانب ناردرن رینج لینڈ ٹرسٹ کے کے افسر اینٹونی ونڈیرہ نے بھی اس برادری کا شکریہ ادا کیا۔

کینیا میں اس سال مارچ میں لوگوں نے سفید مادہ اور اس کے بچے کو مارڈالا تھا۔ کینیا میں زرافہ دشمن افراد انہیں گوشت اور جلد کے لیے ہلاک کرتے ہیں۔ سفید زرافہ میں لیوسائزم نامی کیفیت پیدا ہوجائے تو وہ سفید ہوجاتے ہیں اور ان کی آنکھیں گہری ہوجاتی ہیں اور وہ دور سے محسوس کئے جاسکتے ہیں۔

واضح رہے کہ صرف کچھ برسوں میں زرافوں کی آبادی 40 فیصد تک کم ہوچکی ہے۔

یہ بھی پڑھیں

عمران خان نے عمر ایوب کو وزارت عظمیٰ کا امیدوار نامزد کردیا

راولپنڈی: بانی پی ٹی آئی عمران خان نے عمر ایوب کو وزیراعظم کے عہدے کا امیدوار …