سموگ سے سینکڑوں شہری بیمار ہسپتالوں میں خصوصی کاوٹنر قائم نہ ہوسکے

لاہور(میڈیا پاکستان) صوبائی دارالحکومت کے سرکاری ہسپتالوں میں سموگ سے متاثرہ مریضوں کی تعداد500سے بڑھ گئی تاہم حکومت کی ہدایت کے باوجود نہ کسی ہسپتال میں سموگ کاونٹرز قائم کیے گئے اور نہ ہی آگہی بینرز آویزاں کیے گئے ہیں۔ تفصیلات کے مطابق حکومت کی جانب سے تمام سرکاری ہسپتالوں کی انتظامیہ کو ہدایت جاری کی گئی تھی کہ وہ شہر بھر میں سموگ میں دن بدن اضافے کے پیش نظر ایمرجنسی وارڈز اور آﺅٹ ڈورز میں سموگ کاونٹرز کا قیام کریں اور روزانہ کی بنیاد پر سموگ سے متاثرہ مریضوں کی آمدورفت کی رپورٹ ارسال کریں تاہم آج تک کسی سرکاری ہسپتال میں سموگ کاونٹرز کا قیام نہیں کیا گیا اور نہ ہی آگہی بینرز آویزاں کیے گئے جس کے باعث سموگ کے مریضوں میں اضافہ ہورہاہے اور اب تک پانچ سو سے زائد مریض سرکاری ہسپتالوں سے رجوع کرچکے ہیں۔ واضح رہے کہ حکومت کی ہدایت کے مطابق سموگ کاونٹرز میں سانس کے مریضوں،دل کے مریضوں، ای این ٹی ، اور میڈیسن کے (کاﺅنٹرز)شامل ہیں۔