عمران خان لاہور پہنچ گئے، لبرٹی چوک میں کارکنوں کے ساتھ سیلفیاں

لاہور (میڈیا92نیوز) چیئرمین تحریک انصاف عمران خان ممبر سازی مہم کے سلسلے میں لاہور پہنچ گئے ہیں جہاں وہ مختلف کیمپس کا دورہ کریں گے۔تفصیلات کے مطابق عمران خان اسلام آباد سے خصوصی طیارے کے ذریعے لاہور پہنچے ، وہ آج اور کل کا دن لاہور میں ہی گزاریں گے۔ اس موقع پر وہ شہر کے مختلف علاقوں میں قائم کیے گئے رکنیت سازی کیمپوں کا دورہ کریں گے اور کارکنوں سے خطاب بھی کریں گے۔ لاہور کے دورے کے دوران کپتان نے سب سے پہلے لبرٹی چوک میں کھلاڑیوں کا لہو گرمانے کا فیصلہ کیا۔ وہ لبرٹی چوک پہنچے تو کارکنوں کی بڑی تعداد ان کا استقبال کرنے کیلئے امڈ آئی۔ اس موقع پر عمران خان گاڑی سے باہر آگئے اور کھلاڑیوں کے ساتھ سیلفیاں بھی بنواتے رہے۔

یہ بھی پڑھیں

حمزہ شہباز کی رہائی عثمان بزدار کے لئے خطرہ ،ڈاکٹر طارق فضل نے اندر کی بات بتادی

اسلام آباد (نیوز ڈیسک)مسلم لیگ (ن) کے مرکزی رہنما اور سابق وزیر مملکت ڈاکٹر طارق …