عباسی دورحکومت شہریوں پر بھاری: مہنگائی کا نیا تحفہ، پٹرولیم مصنوعات کی قیمتیں بڑھا دیں، شہریوں میں شدید غم و غصہ

لاہور(کامرس رپورٹر/میڈیا92نیوز)مہنگائی سے ستائی عوام کیلئے ایک اور بری خبر، حکومت نے پٹرولیم مصنوعات کی قیمتوں میں اضافہ کر دیا، پٹرول 3 روپے 56 پیسے، مٹی کا تیل 6 روپے 28 پیسے، ہائی سپیڈ ڈیزل 2 روپے 62 پیسے مہنگا، وزارت خزانہ نے نوٹیفکیشن جاری کر دیا۔

وزارت خزانہ کی طرف سے جاری نوٹیفکیشن کے مطابق پٹرول کی قیمت 3 روپے 56 پیسے فی لٹر اضافے کے ساتھ 88 روپے 7 پیسے فی لٹر ہو گئی، ہائی سپیڈ ڈیزل کی قیمت میں 2 روپے 62 پیسے فی لٹر اضافہ کر دیا جس کے بعد اس کی قیمت 98 روپے 45 پیسے فی لٹر ہو گئی ہے، مٹی کا تیل 6 روپے 28 پیسے فی لٹر مہنگا کردیا، مٹی کے تیل کی نئی قیمت 76 روپے 46 پیسے فی لٹر ہو گئی، لائٹ ڈیزل کی قیمت میں 1 روپے اضافے کے ساتھ 65 روپے 30 پیسے ہوگئی۔

وزارت خزانہ کے مطابق اوگرا نے ہائی سپیڈ ڈیزل کی قیمت میں 6 روپے 94 پیسے فی لٹر اضافے کی تجویز دی تھی، تاہم عوام کو ریلیف دینے کیلئے صرف 2 روپے 62 پیسے فی لٹر اضافہ کیا گیا، نئی قیمتوں کا اطلاق آج سے ہوگا۔

دوسری طرف رواں ماہ عالمی مارکیٹ میں تیل قیمتیں 8 فیصد کم ہوئی ہیں۔ مسلسل 7 ماہ سے تیل کی قیمتوں میں اضافہ ہو رہا ہے اور اب ایک بار پھر عوام پر پٹرول بم گرا دیا گیا۔

یہ بھی پڑھیں

حمزہ شہباز کی رہائی عثمان بزدار کے لئے خطرہ ،ڈاکٹر طارق فضل نے اندر کی بات بتادی

اسلام آباد (نیوز ڈیسک)مسلم لیگ (ن) کے مرکزی رہنما اور سابق وزیر مملکت ڈاکٹر طارق …