قبضہ مافیا کی برمار،اوورسیز پاکستانی کی 55لاکھ روپے مالیت پر ناجائز قبضہ

لاہور(سٹاف رپورٹر/میڈیا92نیوز)اوورسیز پاکستانیز کمیشن (اوپی سی)پنجاب کی کوشش سے سمندرپارمقیم پاکستانی کی 55 لاکھ روپے مالیت کی3 دکانیں ناجائزقبضہ سے واگزار کرالی گئی ہیں۔وائس چیئر پرسن اوپی سی شاہین خالد بٹ اور کمشنر افضال بھٹی نے بتایا کہ سعودی عرب میں مقیم نذراحمد نے کمیشن کو شکایت درج کرائی کہ بعض افراد نے موضع-34 ای،بی،ضلع پاکپتن میں واقع ان کی3 دکانوں پر زبردستی قبضہ کرلیاہے ،جن کو واگزار کرایا جائے۔

یہ شکایت مزید کارروائی کیلئے ڈسٹرکٹ اوورسیز پاکستانیز کمیٹی ضلع پاکپتن کو بجھوائی گئی جس کے ارکان کی معاونت سے مذکورہ دکانیں ناجائز قابض سے خالی کراکے اصل مالک کے حوالے کردی گئیں۔شاہین خالد بٹ اور افضال بھٹی نے مزید بتایا کہ اوپی سی کی بدولت ابتک سمندرپارمقیم پاکستانیوں کی ہزاروں شکایات خوش اسلوبی سے حل کی جاچکی ہیں۔